Logo
  • बिक्रम संवत: २०८३, मंसिर ३ बिहीबार

  • अंग्रेजी मिति: 2026 November 19,THRUSDAY

  • बिक्रम संवत: २०८३, मंसिर ३ बिहीबार

  • नयाँ अद्यावधिक

    मेट्रो एफ.एम.
    images

    आ. व. २०८२–०८३ या कर, दस्तुर नापं शुल्क सम्बन्धी प्रदेश सरकारयात बिइगु सुझावयात कया सहलह

    येँ । आर्थिक दँ २०८२–०८३ या नितिं प्रदेश सरकारं तर्जुमा याइगु आर्थिक ऐनया विषयसं येँ महानगरपालिकां बिइगु सुझावया बारे थौं महानगरपालिकाया राजश्व परामर्श समितिइ सहलह जूगु दु । प्रदेश सरकारया आर्थिक मामिला नापं योजना मन्त्रालपाखें माग जुया वःगु कर सम्बन्धी सुझाव व महानरपालिकाया राजश्व समितिपाखें पेश जूगु सुझाव सम्वन्धी प्रस्तावया विषयसं समितिया कजि नापं महानगरपालिकाया उपप्रमुख सुनिता डंगोलया अध्यक्षताय् च्वंगु मुँज्याय् सहलह जूगु खः । राजश्व समितिया कजि नवराज पराजुलीया कजिसुइ वंगु चैत्र २६ गते मुँज्या च्वना प्रदेशय् छ्वयेगु सुझावयात कया सहलह ब्याकूगु खः । 
    मन्त्रालयपाखें छेँजग्गा रजिष्टेसन शुल्क, सवारी साधान कर, मनोरञ्जन कर, विज्ञापन कर, पर्यटन शुल्क, कृषि आय कर, प्राकृतिक स्रोत नापं दशत्तर बहत्तर शुल्क नापं रोयल्टी, सेवा शुल्क, दस्तुर व दण्ड जरिवानालगायत क्षेत्रय् निर्धारण याइगु करया आधार, करया दर, कर छुट सुविधा सम्वन्धी नीतिगत, संरचनागत व प्रक्रियागत सुधारया विषयसं सुझाव माग याःगु खः । 
    अथे माग याःगु सुझावमध्ये समितिं प्रदेश व स्थानीय सरकारया मंकाः अधिकारय् दुगु कर शीर्षकत मनोरञ्जन कर, विज्ञापन कर, जरिवाना छुटलगायतया विषयसं सहलह जूगु खः । समितिया सदस्य सचिव नापं राजस्व विभागया प्रमुख दिपक अधिकारया कथं मुँज्याय् निर्णय प्रमाणीकरण जुइ धुंकाः प्रदेशय् छ्वइ । 
     

    मंगलबार ९ वैशाख २०८२ ०७:५४ PM प्रकाशित तः

    प्रतिक्रिया