वि.सं.: २०८३, कात्तिक २१ शनिबार
इ.स.: 2026 November 7,SATURDAY
ने.सं.:
00:00:00
- काठमाडौं महानगरपालिका
- काठमाडौँ महानगरपालिका
- फुड सेफ्टी, वुट क्याम्प
- स्वास्थ्य प्रवर्धन केन्द्र
- अन्तिम लेखा परीक्षण
- अस्पतालजन्य फोहर
- वडा स्तरीय खेलकुद
- वडा प्रशासनिक भवन
- रात्रिकालीन बस सेवा
- काठमाडौँ फिल्म फेस्टिभल
- सुनिता डंगोल
- काठमाडौँ महानगरपालिकाका
- साझा यातायात
- येँया ११४६
- इन्द्रजात्रा पर्व २०८३
- भूउपयोग परिषदको बैठक
- सुरक्षित पिउने पानी
- श्रीस्वच्छन्द भैरवको खट
- येँयाः
- इम्प्लान्ट सेवा
- श्री गणेश र श्री भैरव
- महानगर विपद व्यवस्थापन समिति
- सम्यक् महादान मूल समारोह समिति
- नन्दीकेशर सत्तल
- गुँला बाजा बादन कार्यक्रम
- वडा अध्यक्ष कप चेस
- सम्यक महादान सचिवालय
- आत्मरक्षा तालिम
- खोप सेवा सुक्ष्म कार्ययोजना
- ज्येष्ठ नागरिकहरुको निःशुल्क स्वास्थ्य उपचार
- वडा स्तरीय सिप मेला
- खाद्य स्वच्छता
- महानगर पुस्तकालय
- सम्यक् महादान
- काठमाडौँ फिल्म फेस्टिभल २०८३
- सहरी खोप सेवा
- प्राविधिक तथा व्यावसायिक शिक्षा र तालिम
- नगर शिक्षा समिति
- स्याहार सिप तालिम
- बाइक एम्बुलेन्स
- रेड कार्पेट
- काठमाडौँ फिल्म फेस्टिभल २०८३
- तिहारमा स्वदेशी फूल
- ग्वयदाँ
- लैङ्गिक असमानता
वि.सं.: २०८३, कात्तिक २१ शनिबार
इ.स.: 2026 November 7,SATURDAY
वि.सं.: २०८३, कात्तिक २१ शनिबार
ताजा अपडेट
मेट्रो एफएम
ताजा अपडेट
ट्रेन्डिङ समाचार
निषेधित गरिएका प्लाष्टिकका ३३६ वटा माला र १४० पुष्पगुच्छा महानगर प्रहरी बलबाट जफत
शनिबार २१ कात्तिक २०८३ ०७:४४ PMमहानगर प्रहरी बलले काठमाडौँका विभिन्न ठाउँबाट प्लाष्टिकजन्य ३३६ वटा माला र १४० वटा पुष्पगुच्छा जफत गरेको छ । काठमाडौँ महानगर प्रहरी बल र महानगरपालिकाकै वातावरण व्यवस्थापन विभागले छुट्टाछुट्टै सार्वजनिक सूचना प्रकाशन गरेर यस्ता वस्तु विक्रीका लागि निषेध गरेका थिए । यसरी गरिएको सूचनालाई वेवास्ता गर्दै प्लाष्टिकजन्य फूल, माला, पुष्पगुच्छा तथा सजावटका सामान बिक्री गर्ने व्यापारीबाट यी बस्तु जफत गरिएका हुन् । यसरी सामान बेच्ने व्यापारीहरु चावहिल मैजुबहाल, मच्छिन्द्रबहाल, कोटेश्वर, कोटेश्वर पानीपुरी चोक, जयबागेश्वरी, कालीमाटी, नयाँ बसपार्क, धुम्बाराहीलगायत स्थान छन् । जफत गरिएका सामानमध्ये सबैभन्दा धेरै कोटेश्वर र कोटेश्वर पानीपुरी चोकमा बिक्री भइरहेका सामान छन् । महानगर प्रहरी बलले नगर प्रहरीको सेवालाई नागरिकका नजिक पुर्याउने उद्देश्यले महानगरको भूगोललाई ४ क्षेत्रमा विभाजन गरेर क्षेत्रगत कमाण्डर र विभिन्न दर्जाका प्रहरी खटाएर बजारको नियमित निगरानी र अनुगमन गरिरहेको छ । यसअन्तर्गत पूर्व क्षेत्र, पश्चिम क्षेत्र, उत्तर क्षेत्र र मध्य क्षेत्रबाट खटिएका टोलीले सहरका विभिन्न स्थानबाट अनधिकृत रुपमा बेच्न राखिएका फूल माला जफत गरेका हुन् ।
हरेक सिकाइ र अभ्यासका लागि काठमाडौँ इपिसेन्टर हो, लैङ्गिक असमानता घटाउन काठमाडौँ महानगरपालिकाले परिणामुखी काम गरेको पायौँ – संसदीय अध्ययन समिति
शनिबार २१ कात्तिक २०८३ ०८:५१ AMलैङ्गिक असमानता घटाउन काठमाडौँ महानगरपालिकाले परिणाममुखी काम गरेको बताउँदै संघीय संसदीय समितिले वितरित सेवाको हरेक आयामलाई अभिलेखन गर्न सुझाव दिएको छ । लैङ्गिक असमानता घटाउन काठमाडौँ महानगरपालिकाले तर्जुमा गरेका कानुन, कानुनको कार्यान्वयन, अन्तरसरकार समन्वय र नतिजाका विषयमा जानकारी लिएपछि आज संसदको ‘राज्यका निर्देशक सिद्धान्त, नीति र दायित्व कार्यान्वयन अनुगमन तथा मूल्याङ्कन समिति’को ‘लैङ्गिक असमानता अध्ययन उपसमिति’का सदस्यहरुले यस्तो प्रतिक्रिया दिनुभएको हो । महानगरपालिकाका कार्यवाहक प्रमुख सुनिता डंगोलको अध्यक्षतामा बसेको बैठक तथा छलफलमा मदनकुमारी शाह (गरिमा), प्रकाशचन्द्र परियार, डा. अंकिता ठाकुर, डा. अञ्जान शाक्य, सुरेन्द्र चौधरी, प्रमेशकुमार हमाल, डा. राम लामा, महानगरपालिकाका प्रमुख प्रशासकीय अधिकृत मुक्तिराम अर्याल, विभागीय प्रमुखहरु र संघीय संसद सचिवालयका अधिकारीहरु हुनुहुन्थ्यो ।
सम्यक् महादानका लागि राष्ट्रपतिबाट ग्वयदाँ (निमन्त्रणा) स्वीकार : मूल समारोह समितिबाट ग्वयदाँ प्रदान
बिहीबार १९ कात्तिक २०८३ ०६:५२ PMराष्ट्रपति रामचन्द्र पौडेलले सम्यक् महादानको ग्वयदाँ (निमन्त्रणा) स्वीकार गर्नुभएको छ । काठमाडौँ महानगरपालिकाले आउँदो माघ १ गते स्वयम्भूको भूइँख्यः (भुइँखेल)मा आयोजना गर्ने सम्यक् महादानमा उपस्थितिका लागि महानगरपालिकाका कार्यवाहक प्रमुख एवं मूल समारोह समितिका संयोजक सुनिता डंगोलले राष्ट्रपति कार्यालय पुगेर आज प्रदान गर्नु भएको ग्वयदाँ (निमन्त्रणा) राष्ट्रपतिबाट स्वीकार भएको हो । ग्वयँदाका लागि बिहान स्वयम्भूमा शास्त्रीय विधिअनुसार पूजा गरेपछि नेपाली सेना, नेपाल प्रहरी र शसस्त्र प्रहरीको राजकीय बादन, गुँला र धिमे जस्ता सांस्कृतिक बाजागाजासहित राष्ट्रपति कार्यालय शीतल निवास पुगेर सम्यक् महादानको निमन्त्रणा दिइएको हो । निमन्त्रणा स्वीकार गर्दै राष्ट्रपति पौडेलले भन्नुभयो, ‘धर्म, संस्कार, संस्कृति र परम्परा बचाउने काममा सबै एक साथ हुनुपर्छ । सम्यक महादान जस्तो पवित्र कार्यका लागि प्रदान गर्नुभएको निमन्त्रणा सहर्ष स्वीकार गर्दछु ।’ उहाँले भन्नुभयो, ‘काठमाडौँ महानगरपालिकाले आयोजना गर्न लागेको कार्यक्रम सफलताको शुभकामना दिन चाहन्छु ।’
‘बित्तीय सुशासन व्यवस्थापनमा प्रतिवद्ध छौँ, बेरुजु घटाउँदै शून्य बनाउने लक्ष्यमा काम गरिरहेका छौँ’ – का. वा. प्रमुख, डंगोल
बिहीबार १९ कात्तिक २०८३ ११:३३ AMआ. व. २०८२/०८३ को काठमाडौँ महानगरपालिकाको अन्तिम लेखा परीक्षणका लागि महालेखा परीक्षकको कार्यालयका अधिकारीहरुसँग प्रवेश वैठक सम्पन्न भएको छ । महानगरपालिकाका कार्यवाहक प्रमुख सुनिता डंगोलको अध्यक्षतामा बसेको बैठकमा उपमहालेखापरीक्षक घनश्याम पराजुली, नायव महालेखा परीक्षक घनश्याम काफ्ले, महानगरपालिकाका प्रमुख प्रशासकीय अधिकृत मुक्तिराम अर्याल, महालेखा परीक्षको कार्यालयका निर्देशक नारायण प्रसाद अधिकारी, महानगरपालिकाका विभागीय प्रमुखहरु सहभागी हुनुहुन्थ्यो । बैठक महानगरपालिकाको वित्त विभागले आयोजना गरेको थियो । बैठकमा कार्यवाहक प्रमुख डंगोलले खर्च लेख्ने केन्द्रका अधिकारीहरुलाई निर्देशन दिँदै भन्नुभयो, ‘लेखा परीक्षणको प्रारम्भमा लेखा परीक्षकले मागेका कागजात, कारण र प्रमाण दिने, अस्पष्ट कुरालाई बुझाउने काम गर्नुहोला । प्रतिवेदन आइसकेपछि पुष्ट्याइँ गर्न लाग्नुभन्दा प्रतिवेदन बन्नु अघि नै प्रक्रिया, कागज र प्रमाणबाट विधि प्रमाणित गर्नुहोला । हामी सबैको प्रयासबाट बेरुजु घटाउँदै शून्य बनाउन सक्छौँ ।’
स्वदेशी फूल बिक्री गर्न काठमाडौँले तोक्यो ३३ वटा ठाउँ : प्लाष्टिकजन्य फूल र सजावटका सामान बिक्री गर्न निषेध
बुधबार १८ कात्तिक २०८३ १०:५४ AMकाठमाडौँ महानगरपालिकाले आफ्नो भौगोलिक क्षेत्रभित्रका ३३ वटा स्थानमा स्वदेशी फूल बिक्रीका लागि स्थान तोकेको छ । यस्तै प्लाष्टिकजन्य फूल र सजावटका बस्तु बिक्रीलाई निषेध गरेको छ । वातावरण व्यवस्थापन विभाग र महानगर प्रहरी बलले छुट्टाछुट्टै सूचना प्रकाशन गरेर दीपावलीका अवसरमा यस्तो व्यवस्था सम्बन्धी जानकारी सार्वजनिक गरेका हुन् ।
‘राष्ट्रिय सभा गृह’ र ‘काठमाडौँ फिल्म फेस्टिभल’
मंगलबार १७ कात्तिक २०८३ ०८:२२ PMकाठमाडौँ फिल्म फेस्टिभलमा सर्ट भिडियो, डकुमेन्ट्री र लघु चलचित्रगरी ३८ वटा मध्ये प्रदर्शनमध्ये २९ वटाको प्रदर्शन राष्ट्रिय सभा गृहमा सम्पन्न गरियो । सर्ट भिडियो च्यालेञ्ज र नेपाल पानोरामाबाट छानिएका सर्ट भिडियो र लघुचलचित्र तथा पुराना नेपाली चलचित्रहरुको प्रदर्शन राष्ट्रिय सभा गृहमा सम्पन्न गरिएको हो । यसबाहेक नेपाली चलचित्र उद्योग, कला, साहित्य, प्रशासन, राजनीतिसहित विभिन्न क्षेत्रको सम्मानका लागि आयोजना गरिएको रेड कार्पेट पनि राष्ट्रिय सभा गृहमै आयोजना गरियो । नेपाली चलचित्रको इतिहास नयाँ पुस्तालाई बुझाउने तथा पुस्तान्तरण गर्ने उद्देश्यले प्रदर्शन गरिएका पुराना नेपाली चलचित्रहरु के घर के डेरा र कुमारीको विशेष प्रदर्शन पनि सभा गृहमै आयोजना गरिएको थियो । यस्तै सर्ट भिडियो च्यालेञ्जको अवार्ड कार्यक्रम र नेपाल पानोरामाबाट लघु चलचित्रलाई प्रोत्साहन पुरस्कार प्रदान गर्ने कार्यक्रम पनि सभा गृहमै सम्पन्न गरियो ।
शबाना आजमी र स्वस्तिमा खड्काको अभिनय र प्रेम यात्राका समानता : 'काठमाडौँ फिल्म फेस्टिभल'मा, व्यक्तिगत र पेशागत जीवनका कथा
सोमबार १६ कात्तिक २०८३ ०७:५५ PMगएको शनिवार काठमाडौँमा झरी परिरहेको थियो । अलि चिसो पनि भएको, मौसम परिवर्तनले स्वास्थ्य बिग्रिएला कि भन्ने चिन्ताले घरबाट बाहिर निस्कौँ कि ननिस्कौँ भन्ने दोधार थियो । तर, नेपाल पर्यटन बोर्डको प्रेक्षालय भने कलाकार र हचलचित्र क्षेत्रका पारखीहरुले खचाखच थियो । त्यहाँ भारतीय अभिनेत्री शबाना आजमीका जीवनका कथा सुनाइरहनुभएको थियो । नेपाली अभिनेत्री स्वस्तिमा खड्का, आजमीको व्यक्तिगत, सामाजिक र पेशागत जीवनसँग सम्बन्धित अन्तरकुन्तरका प्रश्न सोधिरहनुभएको थियो । चलचित्रको पर्दामा अनेक चरित्रमार्फत दर्शकको मन जितेकी आजमीले आफ्नो बाल्यकाल, अभिनय यात्रा, पारिवारिक सम्बन्ध, प्रेम, विवाह र महिलाको सामाजिक अवस्था बारे अनुभव र विचार सुनाइरहँदा उपस्थित सहभागी कुरा सुन्नमा मग्न हुनुहुन्थ्यो । काठमाडौँ महानगरपालिकाले आयोजना गरेको ‘काठमाडौँ फिल्म फेस्टिभल’ अन्तर्गत पर्यटन वोर्डमा आयोजना भएको ‘चलचित्र, महोत्सव र सार्थक जीवन (फिल्म्स्, फेस्टिभल्स एण्ड अ लाइफ वेल लाइभ्ड)’ बिषयको प्यानल डिस्कसनको संवाद केवल दुई अभिनेत्री बिचको परिचयात्मक कुराकानीमा सीमित थिएन । यसमा अभिनयको यात्रा, कलाप्रतिको प्रतिबद्धता, सामाजिक चेतना, महिला समानता र व्यक्तिगत सम्बन्धका जीवन्त अनुभव मिसिएका थिए । फरक देश र पुस्ताका दुई अभिनेत्री एउटै मञ्चमा उभिएर आफ्ना अनुभव साट्दा संवाद रोचक बनेको थियो ।
एउटा विश्व सम्पदा क्षेत्रबाट सुरु भएको 'काठमाडौँ फिल्म फेस्टिभल' अर्को विश्व सम्पदा क्षेत्र र एम्पी थियटरमा पुगेर समापन
सोमबार १६ कात्तिक २०८३ ०२:१४ PMकाठमाडौँ महानगरपालिकाले कार्तिक १३ गते विश्व सम्पदा क्षेत्र बसन्तपुरबाट सम्पदा यात्रा गर्दै सुरु गरेको ‘काठमाडौँ फिल्म फेस्टिभल’ बौद्ध र तारागाउँ नेक्स्टको एम्पीथियटरमा पुगेर कार्तिक १५ गते समापन भयो । यी ३ दिनमा नेपाली पुराना चलचित्रहरु ‘के घर के डेरा’ र ‘कुमारी’ सहित सर्ट भिडियो, नेपाली पानोरामा र इन्टरनेशनल पानोरामा गरी ४० वटा चलचित्र देखाइयो । समापन कार्यक्रम बौद्ध स्तुपाको परिक्रमा र प्रार्थनाबाट सुरु भएको थियो । स्तुपामा पुगेका कलाकार तथा विशिष्ट व्यक्तिहरुलाई वडा नं. ६ ले मौलिक गायन र वादन तथा खादाबाट स्वागत गरेको थियो । त्यसपछि बौद्धबाट तारागाउँसम्म पैदल यात्रा गरिएको थियो । सर्जकहरुलाई काठमाडौँको जनजीवनसँग परिचित गराउनु पैदल यात्राको उद्देश्य थियो ।
जीवन सुनुवार निर्देशित ‘भकुण्डे भूत’ ले जित्यो सर्ट भिडियो च्यालेञ्जको अवार्ड
आइतबार १५ कात्तिक २०८३ ०४:०४ PM
रेड कार्पेटमा कलाकारसँगै राजनीति, प्रशासन, उद्योग तथा निजी क्षेत्रका विशिष्ट व्यक्ति
आइतबार १५ कात्तिक २०८३ १०:४० AM
सम्पदा क्षेत्रमा खुला सांस्कृतिक कार्यक्रमसहित सुरु भयो काठमाडौँ फिल्म फेस्टिभल : मौलिक स्वादमा फेस्टिभलको जन्म
शनिबार १४ कात्तिक २०८३ ०१:०६ PM
काठमाडौँ फिल्म फेस्टिभलमा साझेदारहरुको साथ
मंगलबार ३ कात्तिक २०८३ ०८:५६ AM
काठमाडौँ महानगरपालिकाबाट बाइक एम्बुलेन्स सुरु : जोखिममा रहेको बिरामी भएका ठाउँमा छिट्टो पुग्ने लक्ष्य
शुक्रबार ३० असोज २०८३ ०४:५३ PM