वि.सं.: २०८३, असोज २८ बुधबार
इ.स.: 2026 October 14,WEDNESDAY
ने.सं.:
00:00:00
- काठमाडौं महानगरपालिका
- महानगर प्रहरी बल
- काठमाडौँ महानगरपालिका
- फुड सेफ्टी, वुट क्याम्प
- स्वास्थ्य प्रवर्धन केन्द्र
- अस्पतालजन्य फोहर
- वडा स्तरीय खेलकुद
- वडा प्रशासनिक भवन
- रात्रिकालीन बस सेवा
- सुनिता डंगोल
- काठमाडौँ महानगरपालिकाका
- रसुवा भोटेकोशी बाढी
- क्यान्सर रोकथाम
- जेन्जी सहिद दिवस
- रात्रिकालीन यातायात सेवा
- साझा यातायात
- आरोग्य सहर
- महानगरपालिका
- विद्यार्थी प्रोत्साहन
- वार्षिकोत्सव
- स्वनिगः क्याम्पस
- स्वनिगः विश्वविद्यालय
- ५८ औँ कार्यपालिका बैठक
- येँया ११४६
- इन्द्रजात्रा पर्व २०८३
- भूउपयोग परिषदको बैठक
- सुरक्षित पिउने पानी
- श्रीस्वच्छन्द भैरवको खट
- येँयाः
- इम्प्लान्ट सेवा
- श्री गणेश र श्री भैरव
- महानगर विपद व्यवस्थापन समिति
- सम्यक् महादान मूल समारोह समिति
- नन्दीकेशर सत्तल
- गुँला बाजा बादन कार्यक्रम
- वडा अध्यक्ष कप चेस
- सम्यक महादान सचिवालय
- आत्मरक्षा तालिम
- खोप सेवा सुक्ष्म कार्ययोजना
- ज्येष्ठ नागरिकहरुको निःशुल्क स्वास्थ्य उपचार
- वडा स्तरीय सिप मेला
- खाद्य स्वच्छता
- महानगर पुस्तकालय
- सम्यक् महादान
- काठमाडौँ फिल्म फेस्टिभल २०८३
- सहरी खोप सेवा
- प्राविधिक तथा व्यावसायिक शिक्षा र तालिम
- नगर शिक्षा समिति
वि.सं.: २०८३, असोज २८ बुधबार
इ.स.: 2026 October 14,WEDNESDAY
वि.सं.: २०८३, असोज २८ बुधबार
ताजा अपडेट
मेट्रो एफएम
ताजा अपडेट
ट्रेन्डिङ समाचार
सुत्केरीका घरमा पुगेर आमा र नवशिशुको स्वास्थ्य जाँच गर्दै काठमाडौँ महानगर
बुधबार १४ असोज २०८३ ०८:५० PMअस्पताल वा स्वास्थ्य संस्थामा बच्चा जन्मिएपछि आमा र शिशु सुरक्षित छन् भन्ने मात्र पर्याप्त हुँदैन । त्यसपछिका केही दिनलाई स्वास्थ्यकर्मीको निगरानीमा राख्नुपर्छ । कार्यक्रमअन्तर्गत सुत्केरी भएको तेस्रो र सातौँ दिनमा स्वास्थ्यकर्मी घरमै पुगेर आमा र नवशिशुको स्वास्थ्य जाँच गर्नेछन् । सुत्केरीपछिको अवस्थामा आमामा रक्तस्राव, संक्रमण, उच्च रक्तचापलगायतका समस्या देखिन सक्छन् । नवशिशुमा पनि विभिन्न स्वास्थ्य जटिलता आउन सक्छन् । यी जटिलता समयमा पत्ता लगाएर स्वास्थ्य जोखिम घटाउनु कार्यक्रमको उद्देश्य हो । घरभेटका क्रममा स्वास्थ्यकर्मीले समस्या पहिचान गरेर आवश्यकताका आधारमा व्यवस्थापन गर्ने र थप उपचार आवश्यक देखिएमा सम्बन्धित अस्पतालमा पठाउनेछन् ।
निजी तथा सामुदायिक खोप सेवा प्रदायकहरुको समेत सुक्ष्म कार्ययोजना बनाउँदै काठमाडौँ महानगरपालिका
मंगलबार १३ असोज २०८३ ०४:५० PMकाठमाडौँ महानगरपालिकाले यस वर्षदेखि आफ्नो भौगोलिक क्षेत्रभित्र रहेका नियमित खोप सञ्चालन गर्ने सरकारी तथा निजी स्वास्थ्य संस्थाहरुको खोप सेवा सुक्ष्म कार्ययोजना तयार गर्दैछ । यसअघि स्वास्थ्य प्रवर्धन केन्द्रहरुबाट सञ्चालन हुने खोप कार्यक्रमको मात्र सुक्ष्म कार्ययोजना तयार गर्ने गरेको थियो । अन्य खोप सेवा प्रदायकका हकमा स्वास्थ्य कार्यालयले कार्ययोजना तयार पार्ने गरेको थियो । यस वर्षदेखि भने महानगरपालिका आफैँले नियमित खोप कार्यक्रम तथा खोपबाट बचाउन सकिने रोगहरुको खोज पड्ताल सम्बन्धी समीक्षा गर्दै नयाँ खोप तथा रोगका बारेमा जानकारी, सरसफाइ प्रवर्धन तथा सुक्ष्म कार्ययोजना अद्यावधिक गोष्ठी गरेर योजना तर्जुमा गरिरहेको हो । गोष्ठीको पहिलो चरणमा महानगरपालिकाका सबै स्वास्थ्य प्रवर्धन केन्द्रका इञ्जार्च र खोपकर्ताका लागि २-२ दिनको २ समूहमा सुक्ष्म कार्ययोजना तथा समीक्षा गरिएको जनस्वास्थ्य अधिकृत खोप फोकल पर्सन मैयाँ सैँजुले जानकारी दिनुभयो । यस क्रममा आजदेखि महानगरपालिकाभित्र सञ्चालित खोप प्रदायक संस्थाका खोपकर्तालाई सहभागी गराएर गोष्ठी सुरु गरिएको छ । यसमा २२ वटा संस्थाका खोपकर्ता सहभागी हुनुहुन्छ ।
४ सय छात्रालाई आत्मरक्षा तालिम दिँदै काठमाडौँ महानगरपालिका
सोमबार १२ असोज २०८३ ०९:२९ PMकाठमाडौँ महानगरपालिकाको शिक्षा विभागले पहिलो चरणमा सामुदायिक विद्यालयको कक्षा ९ मा अध्ययनरत ४ सय जना छात्रालाई आत्मरक्षा सम्बन्धी तालिम दिने भएको छ । छात्राहरुलाई हिंसा बुझ्न सक्ने बनाएर हिंसामा परेका बेला आफूलाई घटनाबाट बचाउन सक्ने बनाउनु तालिमको उद्देश्य हो । यो तालिम २ दिनको हुनेछ । महानगरपालिकाभित्रका १० वटा विद्यालयमा यो तालिम चल्नेछ । हरेक विद्यालयबाट ४० जना छात्रालाई तालिममा सहभागी गराइनेछ ।
राष्ट्रिय सभा गृहमा सम्यक् महादान मूल समारोह समितिको सचिवालय स्थापना : आउँदो माघ १ गते महादान हुने
सोमबार १२ असोज २०८३ ०७:०७ PMराष्ट्रिय सभा गृहमा आज ‘सम्यक् महादान मूल समारोह समिति’को सचिवालय स्थापना भएको छ । महादान कार्यक्रम आयोजना गर्न आवश्यक सबै प्रकारका प्रशासनिक प्रक्रिया तथा तयारी गर्ने, कार्यान्वयन समिति र क्षेत्रगत उपसमितिका काम गर्ने, सरोकारवाला र साझेदारसँग समन्वय गर्ने काम सचिवालयले गर्नेछ । ‘नेपाल मण्डलमा सम्यक महादान २ प्रकारले गर्ने गरिेको पाइन्छ । एउटा जसलाई इच्छा लाग्यो, उसले गर्न सक्छ । यसलाई ऐच्छिक सम्यक् भनियो । अर्को गुठीबाट गर्ने गरिएको सम्यक् हो । जसलाई गुठी सम्यक् भनियो । काठमाडौँमा गुठी सम्यक् ३ भिन्नाभिन्नै खलकले हरेक ४ वर्षमा समूहले गर्ने गर्थे । पछि यी ३ वटै समूह मिलेर हरेक १२ वर्षमा १ चोटी गर्दै आएका थिए ।’ समितिका संयोजक नेपाल बज्रयान महाविहार लुम्बिनीका चक्रेश्वर प्रा. डा. नरेशमान बज्राचार्य भन्नुहुन्छ, ‘गुठी सम्यक् नभएको २२ वर्ष भयो । ऐच्छिक सम्यक् नभएको २५ वर्ष भयो । यी दुवै सम्यक् लामो समयसम्म नभएकोले महानगरपालिकाले अमूर्त सम्पदाको संरक्षण गर्ने कार्यक्रम अन्तर्गत यस वर्षको सम्यक् आयोजना गर्न लागेको हो ।’
धिरेनलाई वडा अध्यक्ष कप चेसको उपाधि : काठमाडौँ १० को आयोजनामा प्रतियोगिता सम्पन्न
आइतबार ११ असोज २०८३ ०९:२१ PMखोटाङका धिरेन राईले दोस्रो काठमाडौँ १० वडा अध्यक्ष कप राष्ट्रिय खुला रेपिड चेस प्रतियोगिताको उपाधि हासिल गर्नुभएको छ । काठमाडौँ महानगरपालिका वडा नं. १० ले शनिवार र आइतबार २ दिन आयोजना गरेको वडाध्यक्ष कप चेस प्रतियोगिता स्विस लिग प्रणालीमा सञ्चालन भएको थियो । ९ चरणमा आयोजना भएको प्रतियोगितामा धिरेनले ८ दशमलव ५ अङ्क जोड्नु भएको थियो । झापाका ज्वाला लिम्बुले ८ अङ्क सहित दोस्रो स्थान पाउनुभयो । मकवानपुरका क्षितिज भण्डारी ७ दशमलव ५ अङ्क सहित तेस्रो स्थान हासिल गर्नुभयो । समान अङ्क भएका भक्तपुरका निकेन कुसाथा चौथो हुनुभयो । यसै गरी रौतहटका सुमन लामा पाँचौँ तथा राजेन्द्रप्रसाद श्रेष्ठ छैटौँ हुनुभयो । प्रतियोगितामा ७ अङ्क भएका रिसन थापा, मिसन दाहाल, शैलेन्द्र न्यौपाने र प्रकाश चन्द्र नेपाल शीर्ष १० स्थानमा रहनुभयो । प्रतियोगितामा २ सय २० जना खेलाडीको सहभागिता थियो । प्रतियोगिता समापन अवसरमा वडाध्यक्ष एवं महानगरपालिकाको सामाजिक समितिका संयोजक रामकुमार के. सी. ले उपाधि विजेतालाई २६ हजार २ सय ५० र उप विजेताले २२ हजार ५ सय रुपियाँ पुरस्कार प्रदान गर्नुभयो ।
मौलिक बाजा बादनमा महिलालाई प्रोत्साहित गर्न मिसा गुंला बाजं वादन कार्यक्रम आयोजना हुने
आइतबार ११ असोज २०८३ ०६:३७ PMपरम्परागत बादनमा महिला सहभागितालाई प्रोत्साहित गर्न असोज २४ गते राष्ट्रिय सभाा गृहमा महिला, गुँला बाजा बादन कार्यक्रम आयोजना हुने भएको छ । काठमाडौँ महानगरपालिका वडा नं. १८ ले ङत तुलाधर समिति गुंला बाजं उपसमितिको व्यवस्थापनमा ‘निक्वःगु मिसा गुंलाबाजं ब्वज्या’ आयोजना गर्ने लागेको हो । आज वडाले आयोजना गरेको पत्रकार साक्षात्कार कार्यक्रममा वडाध्यक्ष न्हुच्छेकाजी महर्जनले, मौलिक परम्पराको संरक्षण र पुस्तान्तरणमा महिला सहभागिता बढाउन कार्यक्रम आयोजना गर्न लागिएको जानकारी दिनुभयो । यो दोस्रो संस्करण हो । पहिलो संस्करणमा १२ वटा समूहको सहभागिता थियो । कार्यक्रममा वडाध्यक्ष महर्जनले भन्नुभयो, ‘हामीले परम्परागत बाजा गुरुहरुलाई सम्मान गरिरहेका छौँ । यसरी सम्मानित हुने गुरुहरुमा महिला हुनुहुन्न । हामी महिला गुरुहरुलाई सम्मान गर्न पाउने दिनको प्रतिक्षामा छौँ ।’ उहाँले भन्नुभयो, ‘हराएका, लोप हुने अवस्थामा पुगेका, प्रयोगमा कमी भएका, पुस्तान्तरण हुन नसकेका बादन परम्परालाई महानगरपालिबाट पुनर्जीवित गर्दैछौँ । येँयामा काठमाडौँका स्थानीयले बजाउने गरेको तर विगत २५ वर्षदेखि स्थानीयले बजाउने छोडेको म्वाःली बाजाको प्रशिक्षण दिएर यस वर्ष पुनःस्थापित गरेका छौँ । वडास्तरबाट सशक्तिरण, संरक्षण र संवर्धनका काम भइरहेका छन् ।’
८ करोड १५ लाख लागतमा निर्माण हुँदै नन्दीकेशर सत्तल : कार्यवाहक प्रमुख डंगोलबाट शिलान्यास
शनिबार १० असोज २०८३ ०१:१६ PMकाठमाडौँ महानगरपालिकाले सवा ८ करोड लागतमा नन्दीकेशर सत्तल पुनःनिर्माण गराउन थालेको छ । २०७२ सालको भूकम्पले जीर्ण भएपछि भत्काइएको सत्तल पुननिर्माणका विषयमा स्थानीय बिच फरक मत भएपछि काम हुन सकेको थिएन । असहमतिसँग सम्बन्धित आवाजलाई प्रशासनिक तथा न्यायिक प्रक्रियाबाट सहमतिमा ल्याएपछि पुनःनिर्माणका लागि महानगरपालिकाकी कार्यवाहक प्रमुख डंगोलले, जग पूजा र शिलान्यास गर्नुभयो । त्यस क्रममा उहाँले, ढलेका मूर्त सम्पदा उठाउने र हराएका अमूर्त सम्पदा पुनःस्थापना गर्ने कामलाई प्राथमिकतामा राखेर काम गरिरहेको बताउनुभयो । ‘यी संरचना काठमाडौँका पहिचान स्मारक हुन् ।’
येँया (इन्द्रजात्रा) मा रथयात्रा सुरु : राष्ट्रपति, उपराष्ट्रपतिसहित विशिष्ट पदाधिकारीलाई कार्यवाहक प्रमुख डंगोलबाट स्वागत
शुक्रबार ९ असोज २०८३ ०६:०६ PMयेँया (इन्द्रजात्रा) का धार्मिक, सांस्कतिक तथा सामाजिक क्रियाकलापमध्ये जीवित देवीदेवताको रथयात्रा आजबाट सुरु भएको छ । बसन्तपुर कुमारी घर अगाडिबाट जीवित देवी श्री कुमारी, श्री गणेश र श्री भैरवलाई रथारोहण गरेर यात्रा सुरु गरिएको हो । जात्रा अवलोकनका लागि राष्ट्रपति रामचन्द्र पौडेल, उपराष्ट्रपति उपराष्ट्रपति रामसहाय प्रसाद यादवसहित विशिष्ट पदाधिकारी वसन्तपुर पुग्नुभएको थियो । यस्तै कार्यवाहक प्रधानमन्त्री डा. स्वर्णिम वाग्ले, प्रधानन्यायाधीश डा. मनोज कुमार शर्मा, राष्ट्रिय सभाका अध्यक्ष नारायणप्रसाद दाहाल, सभामुख डोलप्रसाद (डिपी) अर्याल, उपसभामुख रुबीकुमारी ठाकुर, गृहमन्त्री सुदन गुरुङ्, उर्जा तथा जलस्रोत मन्त्री विराजभक्त श्रेष्ठ, भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावल, कानुन, न्याय तथा संसदीय व्यवस्था मन्त्री शोविता गौतम, संस्कृति, पर्यटन तथा नागरिक उड्डयन मन्त्री खडक राज पौडेल (गनेस) सहित पदाधिकारी वसन्तपुर पुग्नुभएको थियो । रथयात्रा अवलोकनका लागि संघीय संसदहरु, नेपालस्थित विदेशी दूताबासका राजदूतहरु, विशिष्ट पदाधिकारीसहित सर्वसाधारणको उपस्थिति थियो । उहाँहरुलाई काठमाडौँ महानगरपालिकाका कार्यवाहक प्रमुख सुनिता डंगोल, सम्पदा तथा पर्यटन समितिका संयोजक आशामान संगतसहित जनप्रतिनिधि र विभागीय प्रमुखहरुले जुद्ध शालिक अगाडि स्वागत गर्नुभएको थियो । स्वागत गरेपछि उहाँहरु हिँडेर गद्दी बैठकसम्म पुग्नुभएको थियो ।
सम्यक् महादान मूल समारोह समिति घोषणा : आउँदो माघ १ गते महादान हुने
शुक्रबार ९ असोज २०८३ १०:३२ AM
नियमित पानी पर्न थालेपछि पहिचान गरिएका जोखिमयुक्त स्थान र विद्यालयहरुमा काठमाडौँ महानगरपालिकाको निगरानी
बिहीबार ८ असोज २०८३ १२:३८ PM
‘यसिं थनेगु’ (इन्द्रध्वजोत्थान) सम्पन्न : जात्राका औपचारिक कार्यक्रम सुरु
बुधबार ७ असोज २०८३ ०९:३४ AM