विष्णुमती नदीको सफाइ गर्न स्काभेटर र लोडर 

काठमाडौँ । महानगर दिवसका सप्ताहव्यापी कार्यक्रमअन्तर्गत आज विष्णुमती नदी खण्डको सरसफाई भएको छ । कालीमाटी पुलमा भेला भएर तल्लो भेग र माथिल्लो भेग तथा दायाँ र बायाँ खण्डको सफाइ गरिएको थियो । सफाइका लागि नदी भित्र स्काभेटर र बाहिर लोडरको प्रयोग गरिएको छ । 

कार्यक्रम थालनी गर्दै वातावरण समितिका संयोजक एवं वडा १२ का अध्यक्ष बालकृष्ण महर्जनले नदीलाई स्वच्छ बनाउन थालिएको यो अभियान सांकेतिक हो । यसबाट नदीमा फोहोर गर्न हुन्न भन्ने सन्देश दिन खोजेका छौँ । यससँगै नदी सफाइलाई नियमित गर्नेछौँ ।

नागरिक सचेतना र व्यवस्थित विकास मिलाएर नदीको पवित्रता कायम गर्न सकिन्छ । यसमा सबैको सहभागिता हुनुपर्छ । कार्यक्रममा वडा १४ का अध्यक्ष सुमन श्रेष्ठको प्रतिक्रिया थियो । 

सप्ताहव्यापी कार्यक्रम अन्तर्गत यसपछि सामुदायिक विद्यालय, सम्पदा क्षेत्र लगायतका स्थानको सफाइ गर्ने कार्यक्रम छ ।