वि.सं.: २०८२, कात्तिक १४ शुक्रबार
इ.स.: 2025 October 31, FRIDAY
ने.सं.:
00:00:00
- महानगर प्रहरी बल
- कार्यपालिका बैठक
- नगर शिक्षा समिति
- जरिवाना
- अपाङ्गमैत्री सेवा प्रवाह
- सम्पदा तथा पर्यटन समिति
- अमूर्त सम्पदा
- डेंगी रोगको रोकथाम र नियन्त्रण
- डेंगी रोग सचेतना
- हाँडीगाउँ सडक फुड स्टल
- हाँडीगाउँ महोत्सव
- महानगर प्रहरी दिवस
- ३३ औँ महानगर प्रहरी दिवस
- ढुङ्गा छाप्ने काम
- एम्बुलेन्स
- ३५ वटा गाउँपालिकालाई एम्बुलेन्स वितरण
- जेनजीको आन्दोलन
- यातायात तथा सडक सुरक्षा स्वर्णम योजना
- ट्राफिक व्यवस्थापन
- ट्राफिक कोन
- भ्याक्सिन तथा बन्ध्याकरण
- सामुदायिक कुकुर र बिरालोलाई बन्ध्याकरण
- सिल्भर भोलिन्टियर कार्यक्रम
- स्वच्छ खाना : उत्कृष्ट व्यापार
- वडा अध्यक्ष कप भेट्रान फुटबल प्रतियोगिता
- हाइ मास्ट लाइट जडान
- हाइ मास्ट लाइट
वि.सं.: २०८२, कात्तिक १४ शुक्रबार
इ.स.: 2025 October 31, FRIDAY
वि.सं.: २०८२, कात्तिक १४ शुक्रबार
ताजा अपडेट
मेट्रो एफएम
ताजा अपडेट
ट्रेन्डिङ समाचार
इञ्जिनियरहरुलाई विद्युतीय नक्सा पास र डिजिटल सिग्नेचर विषयमा अभिमुखीकरण
इञ्जिनियरहरुलाई विद्युतीय नक्सा पास र डिजिटल सिग्नेचर विषयमा अभिमुखीकरण
काठमाडौँ । काठमाडौँ महानगरपालिकाको सहरी योजना आयोगका उपाध्यक्ष तपेन्द्रबहादुर खड्काले अनलाइन भवन नक्सा स्वीकृत गर्ने (इबिपीएस) प्रणाली विद्युतीय शासनको महत्वपूर्ण खम्बा भएको बताउनुभएको छ । महानगरका इञ्जिनियरहरुका लागि आयोजना गरिएको अनलाइन भवन नक्सा प्रणाली र डिजिटल सिग्नेचर विषयक २ दिने अभिमुखीकरण कार्यक्रमलाई सम्बोधन गर्दै उहाँले यस्तो बताउनुभएको हो ।
अभिमुखीकरणमा भवन व्यवस्था समितिका संयोजक हीरालाल तण्डुकारले, महानगरको व्यवस्थापनका लागि जनप्रतिनिधिको दृष्टिलाई कर्मचारीले कार्यान्वयन गरिदिनु पर्ने बताउनुभयो । सहरलाई सुधार गर्न सकियो भने परिवर्तन पनि देखिन्छ । रुपान्तरण पनि देखिन्छ । उहाँले भन्नुभयो, ‘साना प्रयासले राम्रा नतिजा ल्याउन सक्छ । जनप्रतिनिधि र कर्मचारी मिलेर यो बाटोमा लागौँ ।’कार्यक्रममा प्रशासन विभागका प्रमुख दिपक अधिकारीले, जनताको नजिकको सरकारी कार्यालयबाट सेवा दिने जिम्मेवार व्यक्तिका रुपमा कर्मचारीले आफूलाई अभ्यस्त गराउनु पर्ने बताउनुभयो । यसका लागि सूचना सञ्चार र सञ्चार प्रविधिलाई माध्यमका रुपमा विकास गरेर विद्युतीय शासन प्रणालीलाई परिपक्व बनाउँदै लगिने बताउनुभयो ।
इबीपीएस प्रणाली स्वचालित प्रणाली हो । सहरी व्यवस्थापन विभागका प्रमुख सुरज शाक्यले भन्नुभयो, यस अघि स्वचालित प्रणालीलाई आधा स्वचालित आधा व्यक्तिले काम गर्नुपर्ने पद्धतिबाट चलाइएको थियो । संस्थागत र व्यक्तिगत क्षमता विकास भएपछि प्रणालीलाई अहिले पूर्ण स्वचालित बनाइसकिएको छ ।
अभिमुखीकरणमा सार्वजनिक निर्माण विभागका प्रमुख रामबहादुर थापाले, ‘सार्वजनिक निर्माण सम्बन्धी कानुनी प्रबन्ध र यसको कार्यान्वयन प्रक्रिया’ का विषयमा प्रस्तुतिकरण गर्नुभएको थियो । यसैगरी स्रोत व्यक्तिहरु सुरेश थापा र अंजिल शाक्यले, अनलाइन नक्सा पास प्रणालीमा डिजिटल सिग्नेचरको प्रयोगका विषयमा प्रस्तुति गर्नुभएको थियो ।
प्रणाली सञ्चालन गर्ने विधि
कार्यालयले उपलब्ध गराएको युजर नेम र पासवर्ड भरिसकेपछि व्यक्तिगत विवरण भर्ने पेजमा पुगिन्छ । यस पेजमा जग्गाको विवरण अर्थात् लालपुर्जा, घरको नक्सा, नापी नक्सा सम्बन्धी विवरण भर्नु पर्छ । त्यस्तै वाइलज र विल्डिङ् कोड सम्बन्धी विवरण तथा व्यवस्था पनि यसै पेजमा भर्नु पर्दछ ।
विवरण भरिसकेपछि यो फर्म घर नक्सा डिजाइनरले महानगरको रजिष्ट्रेसन डेक्समा सेन्ड गर्छ । रजिष्ट्रेसन डेक्सले फारम भरेको वा अपलोड गरिएका कागजात मिले नमिलेको जाँच गर्छ । नमिलेको भए कमेन्टसहित डिजाइनरलाई सच्याउन फिर्ता पठाउँछ भने विवरण सही भए टेक्निकल डेक्स वानमा पठाउँछ । जहाँ विल्डिङ् वाइलजको परीक्षण हुन्छ ।
टेक्निकल डेक्स वानमा विवरण ठीक भए त्यसलाई टेक्निकल डेक्स टुमा पठाइन्छ जहाँ विल्डिङ कोडका पक्षबाट कागजपत्र जाँच गरिन्छ ।
डिजाइनरले विवरण भर्दा विल्डिङ् कोड र विल्डिङ् वाइलज विपरीत भरेको भए सफ्टवेयरले गलत डिजाइनमा रातो अर्थात् फल्टी डाटा देखाउँछ ।
यी दुवै प्राविधिक पक्षबाट नक्सा पास प्रक्रिया अघि बढेपछि एक्ज्युकेटिभ वानकोमा फाइल पुग्छ । त्यहाँ विवरणको ओभरअल विश्लेषण गरिन्छ । त्यहाँबाट पास भइसकेपछि भवन दस्तुर तिर्ने चरणमा पुगिन्छ ।
रेभिन्यु डेक्स्टबाट फाइल वडा कार्यालयमा जान्छ । वडाले साँध सँधियारसँगको सम्बन्ध वुझ्न १५ दिने सूचना प्रकाशित गर्छ । १६ औं दिनमा सर्जमिन गरी मुचुल्का तयार गर्छ । त्यसपछि बस्तुगत स्थितिमा सर्जमिन तथा मुचुल्काको विवरणसहितको डाटा महानगरको केन्द्रमा रहेको एक्ज्युकेटिभ डेक्समा पठाउँछ ।
यसरी भवन निर्माणकालागि आवश्यक पर्ने मापदण्डलाई सफ्टवेयरमार्फत विश्लेषण गरी स्वीकृति प्रदान गरिन्छ । यस प्रणालीमा मानवीय त्रुटी हुने सम्भावना शुन्य छ ।
नागरिक विधुतीय शुसासन सेवा
निशुल्क उपचार सहजिकरण सेवा
फोहरमैला व्यवस्थापन प्रणाली
पार्किङ्ग व्यवस्थापन प्रणाली
Intern आवेदन प्रणाली
KMC Mobile App
इजलास व्यवस्थापन प्रणाली
विद्युतीय नक्शा पास प्रणाली
बिपद् सूचना ब्यवस्थापन प्रणाली
सहकारी व्यवस्थापन प्रणाली
बोलपत्र आवहन प्रणाली
घटना दर्ता नागरिक सेवा
राजश्व भुक्तानी प्रणाली
KMC Smart Toilet
Metro Mart
KMC Parking App