वडा २२ को अध्यक्षमा महर्जन निर्वाचित : दलित महिला सदस्य निर्विरोध 

काठमाडौँ । काठमाडौँ महानगरको वडा २२ मा नेकपा एमालेका उम्मेदवार चिनीकाजी महर्जनले २ हजार ६० मत प्राप्त गरेर अध्यक्ष पदमा निर्वाचित हुनुभएको छ । स्थानीय तह सदस्य निर्वाचन २०७९ का कार्यक्रमअन्तर्गत बैशाख ३० गते निर्वाचन भएको थियो । ३१ गतेदेखि बडा १ बाट माथि र वडा ३२ बाट तलको क्रममा मत गणना थालिएको थियो । १० गते वडाको गणना सकिएको होे । महर्जनका निकटतम प्रतिस्पर्धी नेपाली कांग्रेसका शालिग्राम तण्डुकारले १ हजार ४७८ मत प्राप्त गर्नुभयो । 

वडाको महिला सदस्य पदमा नेपाली कांग्रेसकी उम्मेदवार ललिता खड्गीले १ हजार ५९६ मत प्राप्त गरेर निर्वाचित हुनुभयो । दलित महिला सदस्य पदमा नेकपा एमालेकी उम्मेदवार गीता परियार एक जनाको मात्र उम्मेदवारी परेकोले निर्विरोध हुनुभयो । 

सदस्य पदमा १ हजार ७३६ मत ल्याएर अनिल हाडा र १ हजार ८५९ मत ल्याएर चन्द्रमान तुलाधर निर्वाचित हुनुभयो । उहाँहरुले नेपाली कांग्रेसको उम्मेदवारका रुपमा चुनावमा भाग लिनुभएको थियो । 

वडाका लागि १८ जनाको उम्मेदवारी परेको थियो । जसमध्ये अध्यक्ष पदका लागि ४ जना, महिला सदस्य पदका लागि ५ जना दलित महिला सदस्य पदका लागि १ जना र सदस्य पदका लागि ८ जनाको उम्मेदवारी परेको थियो । 

वडा २२, नयाँ सडक

अध्यक्ष
१)    चिनीकाजी महर्जन    — नेपाल कम्युनिष्ट पार्टी (एमाले)    — २०६० विजयी 
२)    शालिग्राम तण्डुकार    — नेपाली कांग्रेस    — १४७८
३)    शैलेश डंगोल             — नेपाल कम्युनिष्ट पार्टी (माओवादी केन्द्र)    — ६७
४)    सुनिल महर्जन          — राष्ट्रिय प्रजातन्त्र पार्टी    — १०३

महिला सदस्य
१)    उर्मिला महर्जन        — राष्ट्रिय प्रजातन्त्र पार्टी   — १३१
२)    ललिता खड्गी         — नेपाली कांग्रेस     — १५९६ विजयी 
३)    सरु श्रेष्ठ                — नेपाल कम्युनिष्ट पार्टी (एमाले)    — १५५३
४)    सीता महर्जन          — नेपाल कम्युनिष्ट पार्टी (माओवादी केन्द्र)    — ७२
५)    सुमिता शिखाकार    — जनता समाजवादी पार्टी, नेपाल   — १०१

दलित महिला सदस्य
१)    गीता परियार        — नेपाल कम्युनिष्ट पार्टी (एमाले) निर्विरोध निर्वाचित 

सदस्य
१)    अनिल चित्रकार         — नेपाल कम्युनिष्ट पार्टी (एमाले)      — १२८९    
२)    अनिल हाडा              — नेपाली कांग्रेस     — १७३६ विजयी
३)    उष्मा स्थापित (डंगोल)    — नेपाल कम्युनिष्ट पार्टी (माओवादी केन्द्र)    — ७४
४)    चन्दनसिंह धारी         — नेपाल कम्युनिष्ट पार्टी (एमाले)        — १३६८
५)    चन्द्रमान तुलाधर      — नेपाली कांग्रेस  — १८५९ विजयी
६)    तीर्थनारायण महर्जन  — नेपाल कम्युनिष्ट पार्टी (माओवादी केन्द्र)    — ५५
७)    बद्रीनारायण खड्गी     — राष्ट्रिय प्रजातन्त्र पार्टी     — १४७
८)    राजुलाल श्रेष्ठ            — राष्ट्रिय प्रजातन्त्र पार्टी     — १३५