वडा १८ को अध्यक्षमा महर्जन विजयी : दलित महिला सदस्य निर्विरोध 

काठमाडौँ । काठमाडौँ महानगरपालिका वडा १८ को अध्यक्षमा न्हुच्छेकाजी महर्जन निर्वाचित हुनुभएको छ । स्थानीय तह सदस्य निर्वाचन २०७९ अन्तर्गत बैशाख ३० गते सम्पन्न निर्वाचनबाट महर्जन निर्वाचित हुनुभएको हो । नेकपा एमालेका उम्मेदवार महर्जनले १ हजार २९३ मत प्राप्त गर्नुभएको छ । उहाँका निकटतम प्रतिस्पर्धी नेपाली कांग्रेसका राजन महर्जनले ७७१ मत प्राप्त गर्नुभएको छ । 

वडाको महिला सदस्य पदमा नेकपा एमालेकी उम्मेदवार हेराशोभा डंगोल महर्जन १ हजार ३५१ ल्याएर विजयी हुनुभएको छ । त्यस्तै दलित महिला सदस्य पदमा नेकपा एमालेकै अम्बिका सुनार एक जनाको मात्र उम्मेदवारी परेकोले निर्विरोध हुनुभएको छ । 

वडा सदस्य पदमा १ हजार १२८ मत प्राप्त गरेर रचना शर्मा र १ हजार २२४ मत प्राप्त गरेर हेमज्योती शाक्य निर्वाचित हुनुभएको छ । उहाँहरु नेकपा एमालेकातर्फबाट उम्मेदवार बन्नुभएको थियो । 

वडामा १७ जना प्रत्याशी हुनुहुन्थ्यो । जसमध्ये अध्यक्ष पदका लागि ५ जना, महिला सदस्य पदका लागि ३ जना, दलित महिला सदस्य पदका लािग १ जना र सदस्य पदका लागि ८ जना उम्मेदवार हुनुहुन्थ्यो । 

वडा १८, नरदेवी

अध्यक्ष
१)    गीता खड्गी              — राष्ट्रिय प्रजातन्त्र पार्टी      — ८३
२)    चन्द्रकुमार महर्जन    — जनता समाजवादी पार्टी, नेपाल     — १०४
३)    न्हुच्छेकाजी महर्जन   — नेपाल कम्युनिष्ट पार्टी (एमाले)    — १२९३
४)    राजन महर्जन            — नेपाली कांग्रेस   — ७७१
५)    राजेन्द्र रजक             — नेपाल मजदुर किसान पार्टी     — ५७

महिला सदस्य
१)    कमला नरसिंह सुवाल          — नेपाली कांग्रेस   — ६६१
२)    नेहाकुृमारी मल्ल (खड्गी)    — राष्ट्रिय प्रजातन्त्र पार्टी     — ९८
३)    हेराशोभा महर्जन (डंगोल)    — नेपाल कम्युनिष्ट पार्टी (एमाले)   — १३५१

दलित महिला सदस्य
१)    अम्विका सुनार                  — नेपाल कम्युनिष्ट पार्टी (एमाले) निर्विरोध निर्वाचित 

सदस्य
१)    नहकुल महर्जन        — जनता समाजवादी पार्टी, नेपाल    — १०२
२)    पदमराज श्रेष्ठ        — राष्ट्रिय प्रजातन्त्र पार्टी    — ११४
३)    विद्यानराज बैद्य    — स्वतन्त्र    — २३१
४)    मनिष हमाल          — जनता समाजवादी पार्टी, नेपाल        — १०३
५)    रचना शर्मा              — नेपाल कम्युनिष्ट पार्टी (एमाले)    — ११२८
६)    सुमितकृष्ण शाही    — नेपाली कांग्रेस       — ५९८
७)    हेमज्योती शाक्य     — नेपाल कम्युनिष्ट पार्टी (एमाले)     — १२२४
८)    हेराकाजी प्रजापती   — नेपाली कांग्रेस       — ५६४