प्रधानमन्त्री देउवासँग मेयर शाहको शिष्टाचार भेट 

 काठमाडौँ । काठमाडौँ महानगरका प्रमुख बालेन्द्र शाह (बालेन) ले आज प्रधानमन्त्री शेरबहादुर देउवासँग शिष्टाचार भेट गर्नुभएको छ । भेटका लागि प्रमुख शाह प्रधानमन्त्री निवास बालुवाटार पुग्नुभएको थियो । 

भेटका क्रममा प्रधानमन्त्री देउवाले प्रमुख शाहले चुनावी प्रतिस्पर्धामा प्राप्त गर्नुभएको जीतको प्रशंशा गर्नुभएको थियो । त्यस्तै आवश्यक परेका सबै खालका सहयोग गर्न आफू तयार रहेको बताउनुभएको थियो । 

महानगरमा कांग्रेसको बहुमत छ । तपाईँले अघि सारेका योजनामा हामी सहयोग गर्नेछौँ । प्रधामन्त्री देउवाले भन्नुभयो, ‘फोहोर व्यवस्थापनका लागि उपाय लगाउनोस्, संघ सरकार र सडक विभागलगायत मातहतका कार्यालयहरुबाट सहयोग प्राप्त हुनेछ ।’

त्यस अवसरमा प्रमुख शाहले, फोहोरमैलाको दिगो समाधानसहित सहरी व्यवस्थापनमा आफूले सहयोग प्राप्त गर्ने आशा गरेको बताउनुभएको थियो ।