सन्तानलाई सम्पदा र संस्कृति हस्तान्तरण गर्नुपर्छ, यसका लागि अभिलेखन चाहिएको छ - संयोजक, संगत   

काठमाडौँ । सन्तानलाई हस्तान्तरण गर्नु पर्ने मुख्य सम्पत्ति भनेको अहिलेसम्म मौलिक स्वरुपमा जोगिएको संस्कृति र सम्पदाको यथास्थिति हो । यसलाई दुरुस्त हस्तान्तरण गर्न अभिलेखन चाहिएको छ । काठमाडौँ महानगरपालिका सम्पदा तथा पर्यटन समितिका संयोजक आशामान संगत भन्नुहुन्छ, ‘कामको भार गहन छ, महसुस गरेर सञ्चालन गर्नुपर्छ ।’यसलाई दुरुस्त हस्तान्तरण गर्न अभिलेखन चाहिएको छ । काठमाडौँ महानगरपालिका सम्पदा तथा पर्यटन समितिका संयोजक आशामान संगत भन्नुहुन्छ, ‘कामको भार गहन छ, महसुस गरेर सञ्चालन गर्नुपर्छ ।’

महानगरपालिकाले युवा र बालबालिकाहरुलाई मौलिक सम्पदा र संस्कृतिका बारेमा अनुभूति गराउन तथा प्रवर्धनात्मक कार्यक्रम चलाउन सम्पदामा युवा र बालबालिका ‘सम्युवा’ कार्यक्रमका सञ्चालन गरेको छ । कार्यक्रममा आवद्ध स्वयमसेवकले अहिलेसम्म गरेका कामको समीक्षाका लागि आयोजना गरिएको कार्यक्रममा संयोजक संगतले यस्तो धारणा राख्नुभएको हो । 

महानगरपालिकाले स्वयमसेवकका रुपमा काम गर्न माग गरेको आवेदनबाट ४३७ जनाले फाराम भर्नुभएको थियो । सर्टलिष्टमा २४७ जना छानिनुभयो । उहाँहरुमध्ये अन्तरर्वार्तामा १६५ जना उपस्थित हुनुभएको थियो । अन्तर्वार्ताबाट ४५ जना सम्युवा कार्यक्रमका लागि र १ सय जना वाबा कार्यक्रमका लागि छानिनुभएको थियो । वावा कार्यक्रमका लागि छानिएका स्वयमसेवक विद्यालयको वातावरणीय क्षेत्रमा र सम्युवाका लागि छानिएका स्वयमसेवक सम्पदा क्षेत्रमा काम गरिरहनुभएको छ । कार्यक्रमका बारेमा सम्पदा तथा पर्यटन विभागका प्रमुख कुमारी राईले जानकारी दिनुभयो ।  

सम्युवामा आवद्ध स्वयमसेवकहरुलाई जात्रा पर्व सञ्चालनका समयमा खटाउने गरिएको छ । मूर्त अमूर्त सांस्कृतिक सम्पदाको अध्ययन र अभिलेखन गर्न लगाइएको छ । स्वयमसेवकले गरेका कामका विषयमा जानकारी दिँदै महाशाखा प्रमुख सृजुमैयाँ प्रधानले, समुदाय र विद्यालयमा गएर सम्पदाका अन्तर बस्तुका विषय, मौलिकता र सामाजिक व्यवस्थापनमा विषयमा काम भएको जानकारी दिनुभयो । 

कार्यक्रम सञ्चालनको साझेदार संस्कृति तथा पुरातत्व अध्ययन केन्द्र (कार्क) का अध्यक्ष सुदर्शन अर्यालले कार्यक्रमबाट युवाहरुमा संस्कृति र पुरातत्वको संरक्षणमा नेतृत्व विकास भएको धारणा राख्नुभयो ।  

कामको अनुभव सुनाउँदै कार्यक्रममा स्वयमसेवककातर्फबाट धारणा राख्दै अमिका महर्जन र सुजन शाहीले, सम्पदाको गहिराइ  र यसको सामाजिक सम्बन्ध बुझ्न, बुझेको ज्ञान अरुसँग बाँड्न सहयोग पुगेको बताउनुभयो । यो हाम्रा लागि वातावरण, शिक्षा, सम्पदा, सांस्कृतिक, पुरातात्विक र ऐतिहासिक मूर्त अमूर्त सम्पदा, वातावरणीय अवस्था (प्राकृतिक सम्पदा) र यससँग आर्थिक, सामाजिक तथा सांस्कृतिक सम्बन्ध बुझ्ने अवसर हो । उहाँहरुको भनाइ थियो ।  

‘महानगरपालिकाले वि. सं. २०६७ सालमा ४० जना स्वयमसेवकमार्फत सम्युवा कार्यक्रम सञ्चालन थालेको हो । २०७२ सालको भूकम्पको अवधिमा करिब १ सय जना स्वयमसेवकहरु सक्रिय रुपमा काम गरिरहेका थिए । भूकम्पले पुर्‍याएको क्षति व्यवस्थापनमा उनीहरु सक्रिय थिए । प्रतिकुल अवस्थामा स्वयमसेवकको व्यवस्थापनमा महानगरपालिकालाई कठिन भएपछि यो कार्यक्रम विस्तारै निष्क्रिय हुँदै गएको थियो । यही कार्यक्रमलाई अहिले सक्रिय बनाइएको हो ।  

तस्विर : अमृत पाण्डे