वीर र ट्रमा सेन्टरमा फोहोर व्यवस्थापन अनुगमन : सुधारका थप काम गर्न सुझाव

काठमाडौँ । काठमाडौँ ठूला अस्पतालमध्येको वीर अस्पतालबाट मासिक २७ हजार ५ सय किलो फोहोर उत्पादन हुने गरेको छ । जसमध्ये संक्रमणजन्य फोहोर ८ हजार १५३ केजी, सुइबिनाको सिरिञ्ज ६३९ केजी, तिखो सिसा १२० केजी, धारिलो तथा तीखो धातु १०४ केजी, डाइपर र सेनिटरी प्याड २ हजार १४४ केजी, कागज २ हजार २२३ केजी, प्लाष्टिक र प्लाष्टिकजन्य बोतल ७ हजार ७०२ केजी, नफुटेका सिसा १ हजार ४४० केजी फोहोर छ । जसमध्ये ५ हजार ३६ किलो कुहिने फोहोर छ । 

ट्रमा सेन्टरमा मासिक ९ हजार किलो फोहोर उत्पादन हुन्छ । जसमा संक्रमित फोहोर २ हजार ४ सय केजी छ । बाँकी जैविक फोहोर हो ।

अस्पतालहरुले संक्रमित फोहोरलाई सामान्य बनाउन थालेको प्रयास सन्तोषजनक छ । सानातिना त्रुटि र छुटेका प्रक्रिया छन् । यी प्रक्रियालाई सुधार गरेर उत्कृष्ट र नमूना बनाउनु पर्छ । उपप्रमुख सुनिता डंगोलको नेतृत्वमा गएको अनुगमन टोलीले सुझाव दिएको छ । 

अनुगमनका बारेमा जानकारी दिदै उपप्रमुख डंगोलले भन्नुभयो, ‘सामान्य वेडहरु, सघन कक्ष र आकस्मिक कक्षहरु, चिकित्साबाट उत्पादन हुने फोहोर वर्गीकरणको प्रक्रिया, स्रोतमा वर्गीकरण भएको फोहोर ढुवानी गरेर निर्मलीकरण तथा भण्डारणसम्म पु¥याउने विधि, यस क्रममा अपनाइने सुरक्षाका उपाय हेरेका थियौँ । अभ्यास सन्तोषजनक नै छ । सुधारका केही ठाउँ पनि देखिएका छन् । यसलाई सुधार गर्न अस्पताललाई भनेका छौँ ।’ 

स्रोतमा फोहोर मिसिन सक्ने, ढुवानी तथा प्रशोधन कार्यमा सहभागी हुने व्यक्तिको सुरक्षा, भण्डारण कक्षको उचित प्रबन्ध र बाहिर निकाल्ने फोहोरमा धारिलो तथा जोखिमयुक्त फोहोर मिसिन सक्ने खतराबाट बचाउन अनुगमनका क्रममा दिइएका सुझाव हुन् ।   

अनुगमनका क्रममा विरामीको जन्मोत्सव 

अनुगमनका क्रममा ट्रमा सेन्टरमा उपचाररत विरामीको १९ औँ जन्मोत्सवमा उपप्रमुख सहभागी हुनुभयो । मानसिक रुपमा बलियो हुन सके शारीरिक समस्या निको बनाउन सहज हुन्छ । विभिन्न असहज परिस्थितिलाई सहजै सामना गर्न सक्ने विरामीका परिवारको हौसला अनुकरणीय लाग्यो । उपप्रमुखले अस्पतालमा बस्दाको पीडा भुलेर, टाढाबाट काठमाडौँ आउनु पर्दाको समस्या र आर्थिक लगायत अभाव विर्सेर रमाउन सक्ने परिवार वास्तवमै अनुकरणीय लाग्यो ।

विरामी सिन्धुपाल्चोकबाट उपचारका लागि काठमाडौँ आएका हुने । उनका साथमा बुबा र दिदीहरु हुनुहुन्थ्यो । विरामीको जन्मोत्सवमा सबै पीडा भुलेर उहाँहरु रमाइरहनु भएको थियो ।