वडा २० बाट छिमेकी वडास्तरीय टेवुल टेनिस प्रतियोगिता : प्रथम पुरस्कार मानन्धरलाई

काठमाडौँ । काठमाडौँ महानगरपालिकाको वडा नम्बर २० ले छिमेकी वडास्तरीय टेवुलटेनिस प्रतियोगिता सम्पन्न गरेको छ । प्रतियोगितामा वडा नम्बर १२, १९, २०, २१, २३ र २४ वडाबाट खेलाडी सहभागी हुनुहुन्थ्यो । 

प्रतियोगितामा वडा नम्बर २० का सार्थक मानन्धरले पहिलो स्थान प्राप्त गर्नुभयो । यस्तै वडा नम्बर २१ का अमिताब शाक्यले दोस्रो, वडा २१ कै निरेश डंगोल र रुपेश शाक्यले तेस्रो स्थान हासिल गर्नुभयो । यही वडाका सबिक डंगोलले फेयर प्लेयरको उपाधि प्राप्त गर्नुभएको वडा सदस्य एवं खेलका संयोजक रसेल श्रेष्ठले जानकारी दिनुभयो । 

विजेतालाई मेडल, ट्रफीसहित प्रमाण पत्र र नगद १० हजार रुपैयाँसहित पुरस्कृत गरिएको थियो । यस्तै दोस्रो स्थान हासिल गर्नेलाई नगद ५ हजार रुपैयाँ, तेस्रो हुनेलाई जनही ३ हजार रुपैयाँ र फेयर खेलाडीलाई २ हजार नगदसहित मेडल, ट्रफी र प्रमाण पत्र प्रदान गरिएको थियो । 

यसरी आयोजना गरिने खेलले वडाबासीहरुका बिचमा सामाजिक सम्बन्ध स्थापित हुँदै जाने वडाध्यक्ष राजेन्द्र मानन्धरले बताउनुभयो । कार्यक्रममा बोल्दै महिला नेतृ सिर्जना सिंहले, आपसी सम्बन्ध हराउँदै गएको वर्तमान सन्दर्भमा यस प्रकारका खेल आयोजनालाई संख्यात्मक रुपमा वृद्धि गर्नु पर्ने धारणा राख्नुभयो । 

श्रेष्ठका युवाहरुलाई सवारी चालक प्रशिक्षण अनुसार महिलाहरुका लागि नृत्य प्रशिक्षण, युवाहरुका लागि १ महिने गिटार कक्षा सम्पन्न हुँदैछ ।