नगर प्रहरी बलको शुभकामना आदान प्रदान कार्यक्रम 

काठमाडौँ । काठमाडौँ महानगर प्रहरी बलले वडा दशैँको फुलपातीको अवसरमा पारेर शुभकामना आदान प्रदान कार्यक्रम गरेको छ । राष्ट्रिय सभामा आयोजना गरिएको कार्यक्रममा बोल्दै महानगरकी उपप्रमुख सुनिता डंगोलले भन्नुभयो, ‘दशै पर्वले सबैमा सत्य र न्यायको पक्षमा काम गर्ने प्रेरणा मिलोस् । पर्वले दिन खोजेको आत्मीयता र भाइचाराको सन्देश ग्रहण गर्न सकियोस् ।’ 

त्यस क्रममा बोल्दै महानगरका ट्राफिक विज्ञ सल्लाहकार जगतमान श्रेष्ठले, ‘सहरी व्यवस्थापनमा देखिने खालको परिवर्तन गर्न सकियोस् । दशैँले यसका लागि उत्प्रेरणा बढाओस् ।’ भन्ने शुभकामना दिनुभयो । 

विजयोत्सवका रुपमा मनाइने दशैँका अवसरमा आपसी सम्बन्ध वृद्धि गर्न यस प्रकारको कार्यक्रम आयोजना गर्ने परम्परा रहेको महानगरीय प्रहरी बलका प्रमुख राजुनाथ पाण्डेको भनाइ छ ।