भोलि कमलपोखरीमा भूकम्प सुरक्षा प्रदर्शनी हुने 

काठमाडौं । भोलि काठमाडौँको कमलपोखरीमा भूकम्प सुरक्षा प्रदर्शनी हुने भएको छ । २५ औँ भूकम्प सुरक्षा दिवस अन्तर्गत पूर्व निर्धारित कार्यक्रममध्ये भोलिको प्रदर्शनी नियमित हुने भएको हो । पुस १८ गते भूकम्प सुरक्षा दिवस मूल समारोह समितिका संयोजक, उपप्रधानमन्त्री एवं गृहमन्त्री रवि लामिछानेको संयोजकत्वमा बसेको बैठकले आज मूल समारोह आयोजना गर्ने निर्णय गरेको थियो । यसको तयारी चलिरहेका बेला माघ १ गते पोखरा महानगरपालिका वडा नं. १५ नयाँ गाउँस्थित सेती नदी खोँचमा यति एअरको ७२ जना यात्रु बोक्ने क्षमता भएको विमान दुर्घटना भएर यात्रुहरुको मृत्यु भयो । त्यसै दिन बसेको बसेको मन्त्री परिषदको बैठकले आज शोक विदा दिने निर्णय गरेपछि आजका कुनै पनि कार्यक्रम आयोजना भएनन् । मन्त्री परिषदले शोक विदा दिने र राष्ट्रिय झण्डा आधा झुकाउने निर्णय गरेको थियो । 

आज विहान नयाँ सडकस्थित भूगोल पार्कमा स्मृति सभा गर्ने र दिउँसो कमलपोखरीमा मूल समारोह तथा प्रदर्शनी गर्ने तयारी थियो ।  

यस बर्षका लागि ‘भूकम्प सुरक्षित पूर्वाधार, सुरक्षित जीवनको आधार’ भन्ने नारा तय भएको छ । गएको बर्ष यस बर्ष ‘भूकम्पीय सचेतना, सुरक्षित संरचना’ नारासहित दिवसका कार्यक्रम मनाइँदैछन् । ०७७ सालमा ‘बहु प्रकोपीय विपदमा भूकम्पीय सुरक्षा, साझा सहकार्यमा जनधनको रक्षा’ ०७८ सालमा ‘भूकम्पीय सचेतना, सुरक्षित संरचना’ नारा थियो ।  

दिवस मनाउन काठमाडौँ महानगरपालिकाको संयोजकत्वमा व्यवस्थापन उपसमिति र सहरी विकास तथा भवन निर्माण विभागको संयोजकत्वमा प्रचार प्रसार उपसमिति गठन गरिएका छन् । यी दुवै उपसमितिको सदस्य सचिवका रुपमा भूकम्प प्रविधि राष्ट्रिय समाज नेपाल (एनसेटले) ले गरिरहेको छ । 

शोक विदाका परेकोले आजका कार्यक्रम आयोजना गरिएनन् । पूर्व निर्धारित भोलिदेखिका कार्यक्रम चल्नेछन् । हामी त्यसैअनुसार तयारी गरिरहेका छौँ । कार्यक्रमका विषयमा महानगरको विपद व्यवस्थापन विभागका प्रमुख रविनमान श्रेष्ठले जानकारी दिनुभयो । 

१९९० साल माघ २ गतेको बिनाशकारी भूकम्पले पु¥याएको क्षति सम्झना गर्दै अबका पुस्ताले यस प्रकारको क्षति व्यहोर्नु नपरोस् भनेर सजग गराइ राख्न यो दिवस मनाउने गरिएको छ । यस प्रकारको सम्झनासँग विगतका गल्ती नदोहो¥याउने प्रतिवद्धता जोडिएको छ । त्यस बिनाशकारी भूकम्पले सिकाएको पाठबाट सुरक्षित बस्ती निर्माणमा पुस्तालाई सहभागी गराउने उद्देश्य राखेर २०५५ सालदेखि हरेक बर्ष माघ २ गते भूकम्प सुरक्षा दिवस मनाउन थालिएको हो । भूकम्पलाई विज्ञानसँग जोडेर २०५७ सालसम्म विज्ञान तथा प्रविधि मन्त्रालयले कार्यक्रम आयोजना गरेको थियो । २०५८ सालदेखि गृहमन्त्रीको संयोजकत्वमा मूल समारोह समिति समिति गठन मनाउन थालिएको हो ।