‘फेस्टिभल क्याम्प’ जस्ता इभेन्ट्सले विद्यार्थीहरुको प्रतिभा प्रस्फुटनमा सहयोग गर्छ - सकिना महर्जन, मिस नेवा

काठमाडौँ । फेस्टिभल क्याम्पजस्ता इभेन्ट्सले विद्यार्थीहरुको प्रतिभा प्रस्फुटनमा मद्दत गर्ने बताउँदै मिस नेवा सकिना महर्जन २०२३ ले यस्ता कार्यक्रमबाट सिकेका सिप जीवनउपयोगी हुने बताउनुभयो । उहाँले रत्नराज्य माध्यमिक विद्यालयको प्रभावशाली व्यक्तित्वसँगको साक्षात्कार कार्यक्रममा विद्यार्थीहरुसँ अन्तरक्रिया गर्दै यस्तो धारणा राख्नुभएको हो । यस क्रममा मिस कार्यक्रमका आयोजक हेमा मानन्धरले, नधकाइ बोल्न, मनमा लागेका कुरा सिलसिलावद्ध व्यक्त गर्ने क्षमताका लागि अहिलेको अभ्यासले ठूलो काम गर्ने बताउनुभयो ।

दशैँ तिहारको छुट्टीमा बसेका सामुदायिक विद्यालयमा अध्ययनरत कक्षा १० का विद्यार्थीसँग अन्तरक्रिया गर्दै उहाँहरुले यस्तो बताउनुभएको हो । 

क्याम्पका कक्षाअन्तर्गत विहान साढे १० बजेदेखि ३ बजेसम्म गणित, विज्ञान, सामाजिक र स्टिमका परियोजनामा आधारित प्रयोगात्मक कक्षा सञ्चालन भइरहेको छन् । यी कक्षा सुरु हुनु अगाडि खेल प्रशिक्षण हुन्छ । ३ बजेपछाडि अन्तरक्रियात्मक, क्रियाकलाप, सहसिकाइ र समूहगत सिकाइमा आधारित छन् । ३ बजेपछि कम्तीमा १ घण्टा इ–लर्निङ, उत्प्रेरणात्मक कक्षा, कला, संगीत, खेलकुद, कथा वाचन (स्टोरी टेलिङ्), वातावरण शिक्षा, मनोविज्ञान जस्ता विषय अनुभूति गराउने क्रियाकलाप र सांस्कृतिक कार्यक्रम सञ्चालन हुने गरेका छन् । 

फेस्टिभल क्याम्प सम्बन्धी समाचार पढ्न यहाँ क्लिक गर्नुहोस्