Logo
  • वि.सं.: २०८२, ैशाख ४ बिहीबार

  • इ.स.: 2025 April 17,THRUSDAY

  • वि.सं.: २०८२, ैशाख ४ बिहीबार

  • वडा ३२ को अध्यक्षमा पराजुली निर्वाचित : मत परिणाम सार्वजनिक 

    वडा ३२ को अध्यक्षमा पराजुली निर्वाचित : मत परिणाम सार्वजनिक 

    काठमाडौँ । स्थानीय तह सदस्य निर्वाचनअन्तर्गत काठमाडौँ महानगरपालिका वडा ३२ को मत परिणाम सार्वजनिक भएको छ । आज मुख्य निर्वाचन अधिकृतको कार्यालय, काठमाडौँँका मुख्य निर्वाचन अधिकृत राजुकुमार खतिवडाले परिणाम घोषणा गर्नुभएको हो । 

    वडाको अध्यक्ष पदमा नेकपा एमालेका उम्मेदवार नवराज पराजुली निर्वाचित हुनुभएको छ । उहाँले ५ हजार २२५ मत प्राप्त गर्नुभयो । उहाँका निकटतम प्रतिस्पर्धी नेकपा एकीकृत समाजवादीका सीतादेवी कँडेल पराजुलीले ३ हजार १०८ मत प्राप्त गर्नुभयो । निर्वाचित पराजुली यस अघिको कार्यकालमा पनि वडाध्यक्ष हुनुहुन्थ्यो । 

    यसै गरी वडाको महिला सदस्य पदमा हीरादेवी पोखरेल, दलित महिला सदस्य पदमा सीता विसुन्के तथा सदस्य पदमा भगवान बुढाथोकी र हरिबहादुर बुढाथोकी निर्वाचित हुनुभएको छ । उहाँहरु नेकपा एमालेकातर्फबाट उम्मेदवार बन्नुभएको थियो । महिला सदस्य पदमा निर्वाचित पाखरेल यस अघिको कार्यकालमा कार्यपालिका सदस्य हुनुहुन्थ्यो ।

    वडाका् अध्यक्ष पदमा ७ जना प्रतिस्पर्धी हुनुहुन्थ्यो । यसै गरी महिला सदस्य पदमा ५ जना, दलित महिला सदस्य पदमा २ जना तथा सदस्य पदमा ११ जना प्रत्याशी हुनुहुन्थ्यो । 

     

     

     

     

      

     

  • प्रकाशित मिति शुक्रबार​ २८ ेठ २०७९ ०१:११ PM