सहिद शुक्र मा. वि. का विद्यार्थीहरुलाई पुस्तक बोक्ने झोला र स्टेनशरी

काठमाडौँ । काठमाडौँ महानगरपालिकाकोे वडा नं. २८ सहिद शुक्र माध्यमिक विद्यालयमा अध्ययन गर्ने सबै विद्यार्थीहरुलाई किताब बोक्ने झोला, कापी र कलम प्रदान गरेको छ । बालबालिकाहरुलाई नियमित विद्यालय आउन प्रोत्साहित गर्ने उद्देश्यले सामान वितरण गरिएको हो । 

बालबालिकाका लागि सानातिना सहयोगले पनि अध्ययनलाई निरन्तरता दिन प्रोत्साहन हुनेछ । कार्यक्रममा वडाध्यक्ष भाइराम खड्गीले भन्नुभयो, शैक्षिक विकासका लागि विद्यालयको पूर्वाधार, खेलकुद र अतिरिक्त शैक्षिक क्रियाकलापका लागि सहयोग प्रदान गरिरहेका छौँ । वडा सचिव कृष्णप्रसाद सोतीले, सामुदायिक शिक्षाको गुणस्तर बढाउन वडाले लगानी बढाएको बताउनुभयो । 

किताब बोक्ने झोला पाएका विद्यार्थीहरु हर्षित हुँदै वितरण कक्षबाट बाहिरिएका थिए ।