वि.सं.: २०८३, मंसिर ६ आइतबार
इ.स.: 2026 November 22,SUNDAY
वि.सं.: २०८३, मंसिर ६ आइतबार
स्वर्णिम योजना ‘सांस्कृतिक सहर’ अन्तर्गत वडा नं. ५, ६, ८, १५, १८, २३ र २६ मा कार्यक्रम
काठमाडौँ । काठमाडौँ महानगरपालिकाभित्रका मौलिक र परम्परागत गायन र वादनलाई जोगाउन वडाहरुले सांस्कृतिक कार्यक्रम आयोजना गरेका छन् । स्वर्णिम योजना ‘सांस्कृतिक महानगर’ कार्यक्रमअन्तर्गत वडा नं. ५, ६, ८, १५, १८, २३ र २६ मा कार्यक्रम गायन, वादन तथा नृत्य कार्यक्रम भएको हो ।
यस्ता कार्यक्रमहरु सञ्चालन गर्दा परम्परागत रुपमा कार्यक्रम हुने चोक, डवली, पाटी, सत्तलजस्ता सार्वजनिक स्थानमा गरिएका थिए ।
यस क्रममा वडा नं. १८ ले ताम्सिपाखा, पुष्पलाल पार्क, बाङ्गेमुढालगायत स्थानमा, वडा नं. ८ ले पशुपति भुवनेश्वरी डवली, इट्टापाखा, दथु टोल, जय बागेश्वरी परिसर, नवाली टोल, तिलगंगा, पशुपति परिसरमा रहेको घ्याम्पे सत्तल कार्यक्रम गरिएको थियो । यस्तै वडा नं. १५ को स्वयम्भू भुइँखेल, वडा नं. ५ को हाँडीगाउँ डवली, वडा नं. ६ को वौद्ध, वडा नं. २३ को झोँछे, वडा नं. २६ को भगवान वहाल, ठमेललगायत स्थानमा कार्यक्रम आयोजना गरिएका थिए ।
यस्ता कार्यक्रमबाट सांस्कृतिक समाज पुनःस्थापना हुँदै गएको सम्पदा तथा पर्यटन समितिका संयोजक आशामान संगतले जानकारी दिनुभयो ।
हेर्दा सामान्य कार्यक्रम देखिए पनि यस्ता कार्यक्रमले अमूर्त सम्पदा जोगाउन योगदान गर्ने, युवा पुस्तालाई मौलिक क्रियाकलापप्रति प्रोत्साहित गर्ने कार्यक्रम सञ्चालन गरिएका वडाका अध्यक्षहरुको एउटै धारणा छ । काठमाडौँ महानगरपालिका क्षेत्र कला, भाषा, जात्रा, पर्व, मेला, गायन तथा नृत्यजस्ता अमूर्त सम्पदाको संग्रहालय हो । यस्ता क्रियाकलाप धार्मिक तथा सामाजिक सहिष्णुताका बिम्व भएको जनाउँदै उहाँहरुले, सांस्कृतिक कार्यक्रमबाट दीर्घकालीन प्रभाव राख्ने बताउनुभयो ।
कार्यक्रममा मौलिक बाजाहरुमा धिमे, बाँसुरी, नाय्खीं, धास् धिमे, पछिमा, खिं, मादल, नाय खिं, भुस्या, तास् चिम्ता, बबुचा छुस्यालगायतका बाजा, यी बाजाका मौलिक लय र तालमा गायन तथा नृत्य प्रस्तुत गरिएका थिए । कार्यक्रममा सहभागी युवायुवतीले मौलिक पहिरन र श्रृङ्गार गरेका थिए ।
निशुल्क उपचार सहजिकरण सेवा
फोहरमैला व्यवस्थापन प्रणाली
पार्किङ्ग व्यवस्थापन प्रणाली
Intern आवेदन प्रणाली
KMC Mobile App
इजलास व्यवस्थापन प्रणाली
विद्युतीय नक्शा पास प्रणाली
बिपद् सूचना ब्यवस्थापन प्रणाली
सहकारी व्यवस्थापन प्रणाली
बोलपत्र आवहन प्रणाली
घटना दर्ता नागरिक सेवा
राजश्व भुक्तानी प्रणाली
KMC Smart Toilet
Metro Mart
KMC Parking App