Logo
  • वि.सं.: २०८३, मंसिर ४ शुक्रबार​

  • इ.स.: 2026 November 20, FRIDAY

  • वि.सं.: २०८३, मंसिर ४ शुक्रबार​

  • गुह्येश्वरीमा पैदल यात्रुका लागि ट्रस पुल निर्माण हुँदै : वडाध्यक्षबाट शिलान्यास

    १ करोड १५ लाख रुपियाँमा निर्माण सम्झौता

    काठमाडौँ । काठमाडौँ महानगरपालिकाको वडा नं. ८ ले गुह्येश्वरीमा पैदल यात्रुका लागि ट्रस पुल निर्माण कार्य थालनी गरेको छ । वडाध्यक्ष एवं महानगरपालिकाको सम्पदा तथा पर्यटन समितिका संयोजक आशामान संगतले शिलान्यास गर्दै निर्माण कार्यको थालनी गर्नुभएको हो । 

    ‘गुह्येश्वरी मन्दिरको सामुन्ने रहेको पुल जीर्ण बन्दै गएको छ । गुह्येश्वरी क्षेत्रमा लाग्ने धार्मिक तथा सांस्कृतिक गतिविधिमा श्रद्धालुहरुलाई नदी पार गर्ने माध्यम चाहिएको छ ।’ पुल निर्माण गर्नु पर्ने आवश्यकताका विषयका जानकारी दिँदै वडाध्यक्ष संगतले भन्नुभयो, ‘पुल निर्माण भइसकेपछि पञ्चकन्या टोलका स्थानीयबासीलाई आवतजावत गर्न सहज हुनेछ । गुह्येश्वरी क्षेत्रमा हुने श्रद्धालुहरुको चाप व्यवस्थापन गर्न सहज हुनेछ ।’

    ३० मिटर लामो पुलको चौडाइ २.२५ मिटर हुनेछ । यसमध्ये १.८ मिटर चौडाइ पैदल यात्राका लागि उपलब्ध हुनेछ । इञ्जिनियर शंकर विकका अनुसार ३.९ मिटर उचाइको अबुटमेन्ट फाउन्डेसनमा पुल निर्माण हुनेछ । 

    सार्वजनिक खरिद प्रक्रियाबाट १ करोड १५ लाख रुपियाँमा समुद्री कन्स्ट्रक्सनले निर्माणको जिम्मा पाएको छ । निर्माण कार्यका लागि गएको असोज १५ गते सम्झौता भएको थियो । आउँदो बर्ष २०८४ असार मसान्तसम्ममा निर्माण कार्य सम्पन्न गर्नुपर्नेछ ।    

  • प्रकाशित मिति शुक्रबार​ ४ मंसिर २०८३ ०८:२८ PM