२३ जना ‘अग्नि नियन्त्रक’ र १९ जना ‘हलुुका सवारी चालक’ पदको पदपूर्ति गर्दै महानगरपालिका 

काठमाडौँ । काठमाडौँ महानगरपालिकाले २३ जना अग्नि नियन्त्रक र १९ जना हलुका सवारी चालकको पदपूर्ति गरिरहेको छ । २०८२ कार्तिक २० गते सार्वजनिक सूचना प्रकाशन गरेपछि प्राप्त भएका आवेदकहरुको अहिले शारीरिक, तन्दुरुस्ती र सिप परीक्षण भइरहेको छ । 

हलुका सवारी चालकका लागि ४१७ जना आवेदकले फाराम भर्नुभएको छ । उहाँहरुमध्ये २ जना महिला हुनुहुन्छ । उहाँहरुमध्ये दैनिक २८ जना गरेर टेकुमा स्वास्थ्य परीक्षण र सिप परीक्षण भइरहेको पदपूर्ति समितिका संयोजक एवं प्रशासन विभागका प्रमुख महेश काफ्लेले जानकारी दिनुभयो । चैत २६ गतेदेखि सुरु भएको परीक्षण बैशाख ११ गतेसम्म सञ्चालन हुनेछ । 

अग्नि नियन्त्रक (फायर फाइटर) का लागि १२९ जनाको आवेदन परेको छ । उहाँहरुमध्ये ४२ जनाको आवेदन स्वीकृत भएको छ । आज दशरथ रंगशालामा भएको प्रारम्भिक स्वास्थ्य परीक्षण र तन्दुरुस्तीमा ३४ जना उम्मेदवार उपस्थित हुनुहुन्थ्यो । 

पदपूर्ति समितिका संयोजक एवं प्रशासन विभागका प्रमुख महेश काफ्लेका अनुसार उम्मेदवार छनोट प्रक्रियालाई पारदर्शी र निष्पक्ष बनाउन उपत्यका ट्राफिक प्रहरी कार्यालय र सशस्त्र प्रहरी बलसँग सहकार्य गरिएको छ । उहाँ भन्नुहुन्छ, ‘हलुका सवारी चालकको परीक्षणको जिम्मेवारी ट्राफिक प्रहरीलाई र अग्नि नियन्त्रक परीक्षणको जिम्मेवारी सशस्त्र प्ररी बललाई दिएका छौँ । पदपूर्तिको सूचना हामीले प्रकाशन गरेका हौँ । उहाँहरुले आफ्नो मापदण्ड अनुसार छनोट प्रक्रिया सञ्चालन गरिरहनु भएको छ ।’ 

काफ्लेको संयोजकत्वमा गठित पदपूर्ति समितिमा मानव संशासन महाशाखा प्रमुख सृजुमैया प्रधान र महानगर प्रहरी बलका प्रमुख विष्णुप्रसाद जोशी सदस्य हुनुहुन्छ ।