महानगरव्यापी अन्तरवडा वुद्धिचाल प्रतियोगितामा वडा ७ लाई उपाधि 

काठमाडौँ । काठमाडौँ महानगरपालिकाको वडा नम्बर ७ ले सहिद सहिद सुरज शाक्य स्मृति महानगरव्यापी अन्तर वडा वुद्धिचाल प्रतियोगिताको उपाधि प्राप्त गरेको छ । वडा नम्बर २२ ले टेबहाल (संकटा मन्दिर परिसर)मा आयोजना गरेको २ दिने ¥यापिड रेटिक चेस प्रतियोगिताकामा वडाले उपाधि पाएको हो । प्रतियोगितामा वडा ७ ले १३ म्याच प्वाइन्ट बटुलेको थियो । विजेता टीमलाई नगद ५० हजार रुपैयाँसहित ट्रफी प्रदान गरिएको थियो । 

वडा नम्बर २७ ले ७ चरणको खेलमा ११ म्याच प्वाइन्ट जोडेर दोस्रो स्थान हासिल ग¥यो । वडा नम्बर २ ले १० म्याच प्वाइन्ट र १३.५ टाइ ब्रेकर जोडेर तेस्रो स्थान हासिल गर्‍यो । वडा नम्बर १४ ले १० म्याच प्वाइन्छ र १२.५ ट्राइब्रेकर बटुलेर चौथो स्थान हासिल गर्‍यो । 

दोस्रो स्थान हासिल गरेको समूहलाई ३५ हजार रुपैयाँ तेस्रो समूहलाई २५ हजार रुपैयाँ र चौथो समूहलाई २० हजार रुपैयाँ नगदसहित पुरस्कृत गरिएको थियो । 

विजेतालाई संकटा क्लबका अध्यक्ष तथा एन्फाका प्रमुख कार्यकारी निर्देशक इन्द्रमान तुलाधरले पुरस्कृत गर्नुभएको थियो । प्रतियोगितामा २९ वटा बडाबाट सहभागी भएका टीमले प्रतिस्पर्धा गरेको खेल कार्यक्रमका संयोजक एवं वडा सदस्य अनिल हाडाले जानकारी दिनुभयो । 

तस्विर सौजन्य : फोटोकालय