३३ बुँदे प्राथमिकसूची तयार पार्दै बाल भेला सम्पन्न

काठमाडौँ । आ.ब २०८०÷०८१ का लागि बालबालिका लक्षित योजना तर्जुमाका लागि महानगर स्तरीय बाल भेला सम्पन्न भएको छ । भेलामा १२ देखि १८ वर्ष उमेर समूहका बालबालिका सहभागी थिए । भेलाबाट बालबालिकाहरुले ३३ बुँदामा योजनालाई प्राथमिकसूची तयार पारेका छन् ।

काठमाडौँ महानगरपालिकाभित्र आफूलाई के मन पर्छ?, के मन पर्दैन? सुरक्षित महसुस हुन्छ कि हुँदैन? जस्ता बाल बचाउ, अधिकार, संरक्षण जस्ता सवाल भेलामा प्रस्तुतीकरण र छलफलका मुख्य विषय थिए । छलफलमा भेदभाव, दुव्र्यवहार, हिंसा, शोषण, उपेक्षा, श्रमसँगै विद्यालयबाट प्राप्त हुने सेवा, सुविधा र आचरण सम्बन्धी सवालहरु उठान गरिएको थियो ।

भेलामा काठमाडौँ महानगरपालिकाकी उपप्रमुख सुनिता डंगोलले, बालबालिकाका वास्तविक आवाजबाट महानगरपालिकालाई बाल अधिकार, बचाउ, संरक्षण जस्ता अधिकारका सवालमा तथ्यपरक योजना तर्जुमा गर्न सघाउ पुग्ने धारणा राख्नुभयो । बाल विकासका चरणहरुमा संवेदनशीलता आवश्यक छ । उहाँले भन्नुभयो, ‘महानगरपािलका बाल अधिकारका लागि जिम्मेवार छ । आफ्नो जिम्मेवारी पूरा गर्छ ।’

सकारात्मक सोचको निर्माण घरबाटै हुन्छ । कार्यक्रममा महानगरपालिकाका प्रमुख प्रशासकीय अधिकृत बसन्त अधिकारीले, बालमैत्री सामुदायिक विद्यालय निर्माणमा महानगरले महत्वपूर्ण काम गरिरहेको उल्लेख गर्नुभयो । बुक फ्रि फ्राइडे हामीले थालेका कामको उदाहरण हो । अधिकारीको भनाइ थियो । 

भेलामा बाल विकास समाज, वल्र्ड भिजन ईन्टरनेशनल नेपालको सामाजिक संघ संस्थाका पदाधिकारी सहभागी हुनुहुन्थ्यो । बाल क्लव र बाल सञ्जालका ५५ जना बालबालिका भेलामा सहभागी थिए । 

बालबालिका लक्षित योजना तर्जुमा गर्न बाल भेलाबाट प्राप्त हुने सुझावले महत्वपूर्ण भूमिका खेल्ने अपेक्षा गरिएको छ ।