सानो गौचरण र चावहिलमा काठमाडौँ महानगरपालिकाले विश्वकप क्रिकेट प्रत्यक्ष प्रदर्शन गर्ने  

काठमाडौँ । आइसीसी टी - २० विश्वकप क्रिकेटका नवौँ संस्करणमा बुधबार विहान नेपाल र श्रीलंका बिच हुने खेललाई काठमाडौँ महानगरपालिकाले वडा नं. ५ हाँडीगाउँको सानो गौचरण र वडा नं. ७ चावहिलको गणेशस्थान, फुटबल ग्राउण्डबाटबाट प्रत्यक्ष प्रदर्शन गर्ने भएको छ । खेलको प्रत्यक्ष प्रदर्शन तयारी गरिएको वडाध्यक्षहरु वीरेन्द्र प्रजापती र विमलकुमार होडाले जानकारी दिनुभयो । 

खेल संयुत्तः राज्य अमेरिकाको फ्लोरिडास्थित सेन्ट्रल ब्रोवार्ड रिजनल पार्क स्टेडियममा नेपाली समय अनुसार विहान ०५ः१५ बजे सुरु हुनेछ । 

क्रिकेट खेलप्रेमी धेरै दर्शकलाई एउटै ठाउँमा सँगै बसेर उत्साहजनक वातावरणमा खेल हेर्न महानगरपालिकाले ठूला एलइडी स्क्रीन राख्दैछ । 

यस अघि भएको खेल टुँडिखेल, हाँडीगाउँ डवली र तीनकुनेबाट प्रदर्शन गरिएको थियो ।