Logo
  • वि.सं.: २०८३, मंसिर ६ आइतबार​

  • इ.स.: 2026 November 22,SUNDAY

  • वि.सं.: २०८३, मंसिर ६ आइतबार​

  • images

    मेट्रो न्यूज

    images

    'धुलोरहित सडक' निर्माण कार्यको अनुगमन : उपप्रमुखबाट प्राविधिक प्रतिवेदन पेश गर्न निर्देशन 

    शुक्रबार​ २ जेठ २०८२ ११:२५ AM

    महानगरपालिकाको भौगोलिक क्षेत्रलाई ४ भागमा विभाजन गरेर हरेक क्षेत्रका लागि एउटा प्याकेज बनाइएको छ । यसअन्तर्गत सडकमा ओभरलेइङ् गर्ने, आसीसी ढलान गर्ने, ढुङ्गा छाप्ने काम गरिन्छ । यो ३ वर्षसम्म सञ्चालन हुने वहुवर्षिय योजना हो । यसका लागि हरेक वर्ष करिब १ अर्व रुपैयाँ खर्च हुने अनुमान गरिएको छ । 

    images

    समुदाय स्तरीय संघसंस्थाहरुबाट उपप्रमुख डंगोललाई विश्व नेताका रुपमा सम्मान प्रदान 

    बिहीबार १ जेठ २०८२ ०७:५० PM

    काठमाडौँ महानगरपालिकाका उपप्रमुख सुनिता डंगोललाई समुदाय स्तरीय संघसंस्थाहरुले विश्व नेताका रुपमा सम्मान गरेका छन् । उपप्रमुख डंगोल स्वीजरल्याण्डको जेनेभाबाट विश्व आर्थिक मञ्च २०२५ का लागि विश्वव्यापी युवा नेताहरूको मञ्चमा चयन हुनुले ज्यापु समुदायको विश्वस्तरमा गौरव बढेको छ । उहाँलाई यो नेतृत्व प्राप्त हुनु ज्यापु समुदायसँगै महानगरबासीका लागि गौरवको क्षण भएको उल्लेख गर्दै आज काठमाडौँको खुशिँवुमा रहेको लय्ता भ्वय् छेँमा कार्यक्रम आयोजना गरेर ज्यापु संस्कृति विकास कोष, ज्यापु महागुथि नेपाः केन्द्रीय समिति र ज्यापु महागुथि नेपाः ये महानगर समितिले संयुक्त रुपमा सम्मान प्रदान गरेका हुन् । 

    images

    कार्यपालिकाअन्तर्गतका ४ वटा समितिका संयोजकको जिम्मेवारी हेरफेर 

    बिहीबार १ जेठ २०८२ ०७:११ PM

    काठमाडौँ महानगरपालिकाका प्रमुख बालेन्द्र शाह (बालेन) ले कार्यपालिका अन्तर्गत ४ वटा समितिका संयोजकहरुको जिम्मेवारी हेरफेर गर्नुभएको छ । काठमाडौँ महानगरपालिका, नगर कार्यपालिका (कार्य सम्पादन) नियमावली २०७४ को नियम १५ बमोजिम गठन भएको समितिका संयोजकको जिम्मेवारी फिर्ता गरेर उपनियम (१) बमोजिम नयाँ संयोजक तोकिएको पत्रमा उल्लेख गरिएको छ । 

    images

    घरमा बस्ने व्यक्तिहरुका बारेमा घरधनीसँगै सूचना नहुँदा ज्येष्ठ महिलाको आगलागीमा ज्यान गयो

    बुधबार ३१ वैशाख २०८२ ०७:०९ PM

    वडा नम्बर २४ का अध्यक्ष बिनोद कुमार राजभण्डारीले, घरको तेस्रो तलामा चिया पकाउँदा ग्याँस लिक भएर आगो सल्किएको जानकारी दिनुभयो । सिसिटिभी फुटेजबाट प्राप्त दृश्य उधृत गर्दै उहाँले भन्नुभयो, ‘एक जना महिला सडकमा आत्तिएर निस्किएको केही क्षणमा घरमा आगो देखियो । चिया पकाउँदा चुहिएको ग्याँसमा आगो सल्किएपछि उनी भोगेकी हुन सक्छिन् । यदि उहाँमा ग्याँस चुहिएर सल्किएको आगो नियन्त्रण गर्ने सिप भइदिएको भए आगोले विनाशकारी रुप लिन पाउने थिएन ।’ उहाँले मानवीय क्षतिका विषयमा भन्नुभयो, ‘घर भाडामा दिने घरधनीसँग आफ्नो घरमा को को बस्छन्? थाहा नभएपछि चरीकोटे आमा (करिब ६५ वर्ष)का नामले चिनिने सडक किनारामा थोरै सामान बेचेर गुजारा चलाइरहेकी ज्येष्ठ आमाको मृत्यु भयो ।’ उहाँका अनुसार मृत्यु हुनुको कारण आगोले जलेर नभइ धुवाँले निसास्सिनु हो । घरको प्रयोग मानिस बसोबासका लागि भन्दा धेरै कस्मेटिक सामानको भण्डारणका लागि भएको उहाँले जानकारी दिनुभयो । 

    images

    कीर्तिपुर नगरपालिकालाई ३-० ले पराजित गर्दै काठमाडौँ महानगरपालिका फाइनलमा 

    बुधबार ३१ वैशाख २०८२ १०:५४ AM

    कीर्तिपुर नगरपालिकालाई ३-० ले पराजित गर्दै काठमाडौँ महानगरपालिकाको फुटबल टीम ‘उपत्यकाव्यापी खुला मेयर कप फुटबल खेल’को फाइनलमा प्रवेश गरेको छ । गोदावरी नगरपालिकाको चापागाउँ, ताहाखेल खेल मैदानमा हिजो (बुधबार) भएको खेलमा महानगरपालिका लागि राजकुमार पौडेलले पहिलो गोल र त्यसपछि मनिष सेढाईँले लगातार २ गोल गर्नुभएको थियो । महानगरपालिका ‘समूह बी’बाट र कीर्तिपुर ‘समूह डी’बाट सेमिफाइनल खेलमा पुगेका थिए ।  

    images

    काठमाडौँ प्लाजामा फोहर पानी प्रशोधन प्रणाली जडान : दैनिक प्रशोधन क्षमता ५ हजार लिटर 

    मंगलबार ३० वैशाख २०८२ ०३:०९ PM

    ‘३ दशमलव ६० मिटर लम्बाइ, १ दशमलव २० मिटर चौडाइ र १ दशमलव ९८ मिटर उचाइ भएको प्लान्टभित्र ५ वटा च्याम्वर छन् ।’ वरिष्ठ इञ्जिनियर निशा कोइराला प्रणालीको प्राविधिक पक्षका बारेमा जानकारी दिँदै भन्नुहुन्छ, ‘शौचालयबाट केही ठोससहितको फोहर पानी प्लान्टमा पुगेपछि पहिले सेडिमेन्टेसनबाट तरल र ठोस छुट्टिन्छ । त्यसपछि एनएरोविक विधि (अक्सिजन दिनु नपर्ने विधि) बाट प्रशोधन सुरु हुन्छ । तेस्रो चरणमा एरोविक (अक्सिजन दिनु पर्ने विधि) बाट, चौथो चरणमा फिल्ट्रेसन र डिस्इन्फेक्सन गरिन्छ । यसबाट उत्पादन हुने पानी दुर्गन्धरहित हुन्छ । बोटविरुवामा हाल्न मिल्ने हुन्छ ।’

    images

    'मानसिक स्वास्थ्य नीति' तर्जुमा गर्न साझेदार र सरोकारवालाबाट पृष्ठपोषण : स्वास्थ्य प्रवर्धन केन्द्रबाट पहिचान, निदान र उपचार गर्ने योजना

    सोमबार २९ वैशाख २०८२ ०५:२२ PM

    काठमाडौँ महानगरपालिकाले 'मानसिक स्वास्थ्य नीति' तर्जुमा गर्न थालेको छ । यसका लागि मानसिक स्वास्थ्यका क्षेत्रमा काम गर्ने क्षेत्रसँग सम्बन्धित संघसंस्था, स्वास्थ्यकर्मी, पुनःस्थापना केन्द्रका प्रतिनिधिहरुबाट पृष्ठपोषण लिएको छ । आइतबार स्वास्थ्य शिक्षा समितिका संयोजक चिनीकाजी महर्जनको अध्यक्षतामा बसेको पृष्ठपोषण बैठकमा मानसिक स्वास्थ्य समस्या न्यूनीकरण, पहिचान, निदान तथा उपचारका लागि महानगरपालिकाका कानुनी दायित्व र नागरिकप्रतिको जिम्मेवारीलाई केन्द्रमा राखेर पृष्ठपोषण लिइएको थियो । 

    images

    तालिमबाट प्राप्त हुने व्यक्तित्वबाट आत्मनिर्भरता बढाउनुपर्छ - प्रवक्ता, मानन्धर

    सोमबार २९ वैशाख २०८२ १२:२१ PM

    ७ दिनको तालिममा श्रृङ्गारका लागि आवश्यक पर्ने सामानहरुको चिनारी र प्रयोग गर्ने तरिका, सिम्पल मेक अप, पार्टी मेकअप, स्मोकी आइ मेकअप, हाफ कट क्रिज मेकअप, वेहुली मेकअपका सैद्धान्तिक ज्ञान प्रदान गर्दै अभ्यास गराइएको थियो । एकजना महिला आफू र आफ्ना परिवारका लागि मेक अप गर्दा मासिक २ हजार रुपैयाँदेखि ५ हजार रुपैयाँसम्म बचत हुन सक्ने प्रशिक्षकहरुको भनाइ छ ।