मेट्रो न्यूज

मेट्रो न्यूज

विद्यार्थीहरुलाई अभिनेत्री स्वस्तिमाको सुझाव : रुचि परिवर्तन स्वभाविक हो, आफ्नो गुण चिन्नु, आत्मविश्वाशी हुनु

सोमबार ५ कात्तिक २०८१ ११:१४ AM

विद्यार्थीहरुलाई विद्यालयभित्र उपलब्ध भएबाहेकका अवसर प्रदान गर्न क्याम्पभित्र प्रभावशाली व्यक्तित्वसँग १ घण्टाको उत्प्रेरणात्मक कक्षा सञ्चालन गरिएको हो ।

‘फेस्टिभल क्याम्प’ सुरु : सामुदायिक विद्यालयको शैक्षिक नतिजा सुधारमा प्रोत्साहन

आइतबार ४ कात्तिक २०८१ ०६:४५ PM

काठमाडौँ महानगरपालिकाले आजदेखि १६ वटा विद्यालय (केन्द्र)मा एकैपटक ‘फेस्टिभल क्याम्प’ को उद्घाटन गरेको छ । सामुदायिक विद्यालयको कक्षा १० मा अध्ययनरत विद्यार्थीहरुलाई दशैँ तिहारबिच छुट्टीको समय उपयोग गरेर शैक्षिक नतिजा सुधारका लागि क्याम्प सञ्चालन गरिएको हो । प्रयोगात्मक तथा रचनात्मक सिकाइ, खेल र मनोरञ्जनका माध्यमबाट विद्यार्थीहरुलाई शैक्षिक अभिरुचिमा प्रोत्साहन गर्नु यसको उद्देश्य हो ।

६ वर्षदेखि ६५ वर्षसम्मका १ हजार जना कलाकारको संयुक्त धिमे बादन र नृत्य प्रस्तुति

आइतबार ४ कात्तिक २०८१ ०३:५१ PM

काठमाडौँको वसन्तपुरमा धिमे बादन र नृत्यमा १ हजार कलाकारहरुको संयुक्त प्रस्तुति प्रदर्शन भएको छ । विश्व पर्यटन दिवस २०८१ को अवसर पारेर शनिवार आयोजना गरिएको कार्यक्रममा ३५० जना बाद्य कलाकारहरुले माजुदेगको सिँढीबाट बादन प्रस्तुत गर्नुभएको थियो । बादनमा मा धिमे (ठूलो धिमे) र धुन्याबाट कार्यक्रम सुरु भएको थियो । यसपछि चिगो (सानो धिमे), घौ, भुस्या, पोङ्गालगायत मौलिक बाजागाजाका बोलमा ६५० जना नृत्य कलाकारले गद्दी बैठक अगाडि र शिवपार्वती डवलीमा नृत्य गर्नुभएको थियो । बादन र नृत्यको सुदनमान मुनिकारले निर्देशन गर्नुभएको थियो ।

अष्ट्रेलियाको विद्यालय शिक्षामा नेपाली भाषालाई ऐच्छिक विषयको स्थान दिन उपप्रमुख डंगोलको प्रस्ताव

शनिबार ३ कात्तिक २०८१ १०:३४ AM

अष्ट्रेलियामा नेपाली अभिभावकको संख्या धेरै भएको बताउँदै काठमाडौँ महानगरपालिकाका उपप्रमुख सुनिता डंगोलले, स्थानीय सम्बन्धको प्रतीकका रुपमा विद्यालय स्तरको ऐच्छिक विषयका रुपमा नेपाली पाठ्यक्रम कार्यान्वयनमा ल्याउन प्रस्ताव गर्नुभएको छ । शिष्टाचार भेटघाटका लागि आउनुभएका नेपालका लागि अष्ट्रेलियाका राजदूत लिन जोन्स्टनसँगको कुराकानीका क्रममा उहाँले जनस्तरसम्म पहुँच हुने आपसी कार्यक्रमका बारेमा कुरा गर्दै यस्तो प्रस्ताव गर्नुभएको हो ।

अष्ट्रेलियाको विद्यालय शिक्षामा नेपाली भाषालाई ऐच्छिक विषयको स्थान दिन उपप्रमुख डंगोलको प्रस्ताव

शनिबार ३ कात्तिक २०८१ १०:३४ AM

भेटका क्रममा यसअघिका भेटका क्रममा भएका कुराकानी, त्यस क्रममा प्रतिवद्धता व्यक्त भएका कार्यक्रमको कार्यान्वयन अवस्था र आगामी सम्भावित कार्यक्रमका विषयका कुराकानी भएको थियो । यस क्रममा युनेस्को रचनात्मक सहर सञ्जालमार्फत कला, साहित्य, सिर्जना, चलचित्रसहित रचनात्मक उद्योगमा आपसी कार्यक्रम गर्न सकिने सम्भावना व्यक्त भए । उपप्रमुख डंगोलले गएको बर्ष गर्नुभएको अष्ट्रेलियाको भ्रमण र सिकाइका विषयमा पनि समीक्षात्मक कुराकानी भएको थियो ।

नरः दे (हाँडीगाउँ) मा चोकदे नारायण (कहीँ नभएको जात्रा) सुरु : महानगरपालिकाका प्रमुख र उपप्रमुख जात्रामा सहभागी

शुक्रबार २ कात्तिक २०८१ ०७:२४ PM

जात्रामा नारायणको भजन गाउँदै खटको गजुर उल्टो पारेर देउतालाई माथि राखेर नगर परिक्रमा गराइन्छ । यससँगै रथलाई उल्टो घुमाउनु, भगवानलाई श्रद्धापूर्वक मैनको फूल चढाउनु जात्राको अर्को विशेषता हो । यस्तै परम्पराका कारण जात्रालाई कहीँ नभएको जात्रा भनिएको हो ।

स्वास्थ्य संस्थाजन्य फोहर व्यवस्थापनमा बुद्धमाई अस्पतालको चरम लापर्वाही : ४ पटकको अनुगमनपछि १ लाख रुपैयाँ जरिवाना

बिहीबार १ कात्तिक २०८१ ०७:३६ PM

यस अघि थुपारिएको फोहरका खोइ त? प्रश्नको जवाफमा तण्डुकारले अटोक्लेभमा निर्मलीकरण गरेर महानगरपालिकाको गाडीमा पठाएको बताउनुभयो । अनुगमन टोलीले राम्ररी निर्मलीकरण नभएको फोहर महानगरपालिकाले उठाउन नसक्ने जनाउँदै फोहर संकलन गर्ने सवारी साधनका चालकलाई बोलायो । चालक आएपछि तण्डुकारले बोली फेर्नुभयो । यो फोहर त कवाडीले लाने गरेको छ ।

२०८० मा गरिएको जग्गाको मूल्याङ्कन दरलाई आधार मानेर सम्पत्ति कर लेखाजोखा गर्न वडालाई परिपत्र

मंगलबार २९ असोज २०८१ ०२:२२ PM

काठमाडौँ महानगरपालिकाको राजस्व विभागले, सम्पत्ति कर लेखाजोखा गर्दा २०८० सालमा गरिएको जग्गाको मूल्याङ्कन दरलाई आधार मान्न परिपत्र गरेको छ । असोज २३ गते गरिएको परिपत्रमा चालु आर्थिक वर्ष २०८१/८२ का लागि सम्पत्ति कर निर्धारण गर्दा जग्गाको मूल्याङ्कन दर सम्बन्धमा ऐनको दफा २ को उपदफा (१) को खण्ड (घ) मा भएको प्रावधानको सट्टा काठमाडौँ महानगरपालिका आर्थिक ऐन, २०८० मा भएको जग्गाको मूल्याङ्कन दरलाई आधार लिने भनिएको छ ।’