Logo
  • वि.सं.: २०८३, मंसिर ६ आइतबार​

  • इ.स.: 2026 November 22,SUNDAY

  • वि.सं.: २०८३, मंसिर ६ आइतबार​

  • images

    मेट्रो न्यूज

    images

    बाल उद्धार कार्यमा ‘मनसाय’ र ‘प्रक्रिया’ दुवै सही हुनु पर्ने उपप्रमुख डंगोलको भनाइ

    मंगलबार ८ माघ २०८१ ०७:४३ PM

    कार्यदलका सदस्य प्रविण सिलबालका अनुसार बालक ३९ र बालिका ३१ जना गरेर अहिलेसम्म ७० जना बालबालिकाको उद्धार गरिसकिएको छ । उनीहरुमध्ये ३६ जना बाल संरक्षण गृहमा छन् । ३३ जनालाई परिवारसँग पुनर्मिलन गराइएको छ ।

    images

    वडा अध्यक्ष कप व्याडमिन्टन प्रतियोगिता सुरु : ४ समूहमा ७२ जना खेलाडी सहभागी

    सोमबार ७ माघ २०८१ ०८:०३ PM

    आजदेखि वडा नं. ३० ले वडा अध्यक्ष कप प्रथम व्याडमिन्टन प्रतियोगिता सुरु गरेको छ । वडा नंं २९ र ३० का खेलाडीहरुका विचमा हुने खेल ४ समूहमा खेलाइँदैछ । २१ वर्ष उमेर पूरा भएका पुरुषहरुको खुला (मेन्स डवल ओपन), २१ वर्ष उमेर पूरा भएका महिलाहरुको (वुमन डवल ओपन), ५० वर्ष उमेर पूरा भएका भेट्रान्स डवलमा जोडी खेलाडीको उमेर १०५ वर्ष नाघेको हुनुपर्ने, ५५ वर्ष नाघेका भेट्रान्स डवलमा जोडी खेलाडीको उमेर ११५ वर्ष नाघेको हुनुपर्ने आधारमा खेलाडी छानिएको हो । पुरुष खेलाडीहरु वडा २९ वा ३० बाटै हुनु पर्ने र महिलाहरु भने अन्य वडाबाट पनि भाग लिन पाउने गरी सहभागी गराइएको छ । प्रतिस्पर्धामा ७२ जना खेलाडी हुनुहुन्छ । खेल वडा नं. २९ को कभर्ड हलमा हुँदैछ । 

    images

    हराएकै सय वर्ष नाघेको ब्रह्मा मन्दिर उत्खनन गरेर पुनःनिर्माण सुरु : आज शिलान्यास 

    सोमबार ७ माघ २०८१ ०७:१२ PM

    संगतका अनुसार यो मन्दिर हराएकै १ सय वर्षभन्दा धेरै भएको थियो । यसस्थानमा झाडी मात्र थियो । पुरातत्व विभागको सहयोगमा उत्खननपश्चात् यसको प्राचीनताको अध्ययन गरिएको थियो । यसबाट मन्दिर छैटौँ शताव्दी देखि सातौँ शताव्दीको विचमा निर्माण भएको अनुमान गरिएको छ ।  ‘मन्दिरको वनावट र प्रकृति सम्बन्धी दस्तावेज नपाइए पछि हामीले जगको आकृति, प्रयोग भएको निर्माण सामग्रीका आधारमा पुरातत्वविदहरुबाट मन्दिरको रेखाङ्कन गराएका हौँ ।’ संगतले जानकारी दिनुभयो । 

    images

    आज चेकजाँच गरिएका ४० वटा सवारी साधनमध्ये ३१ वटा प्रदुषण फेल

    सोमबार ७ माघ २०८१ ०५:११ PM

    आज काठमाडौँ चक्रपथ सुकेधारा भएर गुडिरहेका ४० वटा डिजेलका सवारी साधनको प्रदुषण चेकजाँच गर्दा ७८ प्रतिशत अर्थात् ३१ वटा फेल भेटिए । पुस २९ गतेबाट थालिएको चेकजाँचका क्रममा आजसम्म डिजेलबाट चल्ने १४० वटा र पेट्रोलबाट चल्ने २० गरी १६० वटा सवारी साधनको जाँच भएको छ । यीमध्ये डिजेलबाट चल्ने ९४ वटा र पेट्रोलबाट चल्ने ६ वटा सवारी फेल भएका छन् ।

    images

    दीर्घ रोगको नियमित औषधि खाने २३ हजार ७६८ ज्येष्ठ नागरिकको लगत संकलन गर्दै काठमाडौँ महानगरपालिका

    सोमबार ७ माघ २०८१ ०९:४७ AM

    यदि काठमाडौँ महानगरपालिकाको स्थायी बासिन्दा हुनुहुन्छ र महानगरपालिकाभित्रै बसोबास गरिरहनु भएको छ भने ७० वर्ष उमेर पूरा भएका ज्येष्ठ नागरिकको विवरण परिवारका सदस्य वा सहयोगी कसैले पनि  लिङ्क क्लिक गरेर भर्न सक्नुहुनेछ । यस्तै आफू बसोबास गरिरहेको नजिकैको स्वास्थ्य प्रवर्धन केन्द्रमा गएर पनि विवरण टिपाउन सकिनेछ । 

    images

    ५ कार्य दिनमा १२० वटा सवारी साधनको प्रदुषण जाँच : ५१ वटा पास ६९ वटा फेल 

    आइतबार​ ६ माघ २०८१ ०७:१६ PM

    आज टेकुमा चेकजाँच गरिएका ४० वटा सवारी साधनमध्ये ३३ वटा फेल भएका छन् । माघ ४ गते सिनामंगल क्षेत्रमा २० वटा सवारी साधनको चेकजाँच गर्दा १० वटा प्रदुषण मापदण्ड बाहिरका पाइए । माघ ३ गते पानीपोखरी क्षेत्रमा २० वटा सवारी साधनको चेकजाँच गर्दा १४ वटा फेल भएका साधन भेटिए । माघ २ गते जमल क्षेत्रमा २० वटाको चेकजाँच गर्दा ६ वटा फेल थिए । पुस २९ गते बबरमहलमा २० वटा परीक्षण गर्दा ६ वटा फेल थिए । यसरी गरिएको परीक्षणमा मापदण्डबाहिर रहेका सवारी साधनलाई मर्मत गर्न, त्यसपछि पुनः परीक्षण गराउन र मापदण्डभित्र मात्र सञ्चालन गर्न कवुलियतनामा गराइएको छ । यससँगै अर्को पटकको चेकजाँचमा गल्ती दोहारिए जरिवाना गर्न सचेत गराइएको वातावरण निरीक्षक सृष्टि श्रेष्ठले जानकारी दिनुभयो । 

    images

    माघ १० गतेबाट सहिद सप्ताहका कार्यक्रम आयोजना गर्ने सुशासन समितिको निर्णय

    आइतबार​ ६ माघ २०८१ ०५:४८ PM

    सहिद सप्ताहको पहिलो दिन माघ १० गते टेकु मचली, १३ गते सिफल उकालो र १५ गते शोभा भगवतीमा कार्यक्रम हुनेछ । यस्तै माघ १६ गते शान्ति बाटिकाबाट प्रभात फेरी गर्दै लैनचौरमा पुगेर सहिद स्तम्भमा सभा हुनेछ । त्यस अवसरमा प्रधानमन्त्री, मन्त्रीसहित विशिष्ट व्यक्तिहरु स्मृति सभाका लागि भेला हुनुहुनेछ । 

    images

    फागुन १० गतेदेखि १७ गतेसम्म ‘स्वयम्भू महोत्सव’ आयोजना गर्दै वडा नं. १५ 

    आइतबार​ ६ माघ २०८१ ०८:०० AM

    स्वयम्भू महाचैत्य, महाचैत्य स्थापनासँग मञ्जुश्रीको सम्बन्धका विषयमा जोडिएको लोककथा, जामुन गुमाजुको तान्त्रिक विद्यामा आधारित शान्तिपुर यस क्षेत्रका महत्वपूर्ण स्मारक हुन् । यस्तै शक्तिपीठहरुमा शोभा भगवतीको मन्दिर, तान्त्रिक विद्यामा आधारित विजेश्वरी मन्दिर, गीता मन्दिर सांस्कृतिक पर्यटनका सम्भावित स्थान हुन् । नेपाल संवतका प्रवर्धक शंखधर साख्वाःले वालुवा उठाउँदा सुन प्राप्त गरेर त्यही सुनबाट किसानको ऋण मोचन गरिएको लखतीर्थ यस क्षेत्रको अर्को महत्वपूर्ण स्थान हो । प्राकृतिक विज्ञान संग्रहालय आन्तरिक तथा वाह्य पर्यटक दुवैका लागि अवलोकन योग्य स्थान हो ।