Logo
  • वि.सं.: २०८३, मंसिर ६ आइतबार​

  • इ.स.: 2026 November 22,SUNDAY

  • वि.सं.: २०८३, मंसिर ६ आइतबार​

  • images

    मेट्रो न्यूज

    images

    कालोपत्रे सडकको कोर कटिङ् परीक्षणका लागि प्रयोगशालामा 

    सोमबार ८ पुस २०८१ १०:१३ AM

    महानगरपालिकाबाट निर्माण भएका, मर्मत भएका सडकहरुको गुणस्तर परीक्षणका लागि कोर कटिङ् नमूना प्रयोगशालामा पठाउने गरिएको छ । यसबाट कालोपत्रे गर्न प्रयोग गरिएको विटुमिनको मात्रा तथा गुणस्तर, कालोपत्रको मोटाइ, कम्प्याक्सन (खँदिलोपना), निर्माण सामग्रीको मिश्रण मात्रा हेरिन्छ । सडकको दायाँ भाग, केन्द्र भाग र वायाँ भाग गरी विभिन्न स्थानबाट परीक्षणका लागि कटिङ् गरिन्छ ।

    images

    ४ महिनामा सहकारी विभागबाट १,५९३ वटा उजुरी र २५ वटा गुनासो फर्स्योट

    आइतबार​ ७ पुस २०८१ १०:५२ AM

    काठमाडौँ महानगरपालिकाको सहकारी विभागले चालु आर्थिक वर्षको पहिलो चौमासिक (साउन, भदौ, असोज र कार्तिक) अवधिमा १ हजार ५९३ वटा उजुरी फर्स्योट गरेको छ । विभिन्न निकायबाट माग भएका ६३ वटा विवरण पठाएको छ । ४ सय वटा सहकारी संस्थाको फाइल अद्यावधिक गरेर पञ्जिका बनाइएको छ । गुनासो पोर्टलमा आएका सहकारी विभागसँग सम्बन्धित ३१ वटा गुनासोमध्ये २५ वटा गुनासो सम्बोधन भइसकेका छन् । 

    images

    ५ महिनामा ३७.३० किलोमिटर सडक कालोपत्रे : बजेट तर्जुमा समितिमा विभागगत प्रगति प्रस्तुतिकरण 

    शुक्रबार​ ५ पुस २०८१ ०३:२३ PM

    काठमाडौँ महानगरपालिकाले चालु आर्थिक वर्षको ५ महिनामा ४३ वटा पूर्वाधार निर्माण सम्बन्धी योजना सम्पन्न गरेको छ । यसबाट ३७.३० किलोमिटर सडक कालोपत्रे भएको छ । नियमित सडक मर्मत कार्यक्रमअन्तर्गत ८.४० किलोमिटर, पूर्वाधार एम्बुलेन्स कार्यक्रमअन्तर्गत १०.२० किलोमिटर, धुलोरहित सडक कार्यक्रमअन्तर्गत ९.४० किलोमिटर र क्रमागत कार्यक्रमबाट ९.३० किलोमिटर सडक निर्माण गरिएको हो ।

    images

    निःशुल्क आँखा शिविरमा ३३१ जनाको आँखा जाँच

    बिहीबार ४ पुस २०८१ ०७:४१ PM

    महिला १९१ जना महिला र पुरुष १४० जनाको आँखा जाँच गर्दा ११३ जनामा डाइवेटिक रेटिनोप्याथीको स्क्रिनिङ्ग जाँच गरिएको थियो । जाँचिएकामध्ये १४ जनामा समस्या देखियो । ५ जनालाई अस्पताल जान शिफारिस गरियो । जाँच गरिएकामध्ये १९ जनामा मोतिविन्दुको समस्या देखिएको छ । 

    images

    लैङ्गिकताको मुद्दामा पुरुषहरुको समान सहभागिता ‘वाउ फेस्टिभल’को मुख्य सन्देश - उपप्रमुख डंगोल

    बिहीबार ४ पुस २०८१ ०६:३१ PM

    लैङ्गिकताका मुद्दामा पुरुषहरुको समान सहभागिताा हुनु ‘वाउ फेस्टिभल’को मुख्य सन्देश हो । मंसिर ८ र ९ गते काठमाडौँको नन्दीकेशर बगैँचामा आयोजना भएको फेस्टिभलको समीक्षा गर्दै आज उपप्रमुख डंगोलले भन्नुभयो, ‘लैङ्गिमैत्री समाज निर्माण गर्न आपसी ज्ञान, सिप, अनुभव, भोगाइ र सिकाइका कोणबाट महोत्सव उत्कृष्ठ रह्यो । महानगरपालिकाले प्रवर्धन गरेको एक वडा एक नमूना उद्यम कार्यक्रमबाट सहभागीहरुले १ लाख ३० हजार रुपैयाँसम्मको व्यापार गरेको खवर पाएँ । महिला उद्यमशीलता र आत्मनिर्भरताका दृष्टिले यो ठूलो उपलब्धि हो ।’ 

    images

    १६ विधाका खेलमा ८ हजार १६ जना विद्यार्थी खेलाडी : प्रशिक्षण छनोट चरणमा प्रवेश

    बुधबार ३ पुस २०८१ ०७:०१ PM

    छानिएका विद्यार्थीमध्ये हिउँदे विदाका समयमा एक हप्ताको विशेष प्रशिक्षण प्रदान गरिनेछ । एक हप्ताको प्रशिक्षणपछि खेल्ने अवसर दिएर दोस्रो चरणको छनोट हुनेछ । यस चरणबाट छानिएका विद्यार्थीहरुलाई विशेष निगरानीसहितको नियमित प्रशिक्षण प्रदान गरिनेछ । यसबाट प्रतिस्पर्धाका लागि खेलाडी तयार हुनेछन् । 

    images

    महानगर घोषणासँगै ‘स्थानीय स्वायत्तता’ र ‘स्वशासन’ का प्रवर्धक स्व. सिंह : ३० औँ महानगर दिवसमा सम्मानित

    सोमबार १ पुस २०८१ ०५:४३ PM

    प्रजातन्त्र पुनःस्थापना भएपछि भएको स्थानीय निर्वाचनबाट पहिलो प्रमुखका रुपमा निर्वाचित भएपछि उहाँको दृष्टि स्थानीय स्वायत्ततामा थियो । उहाँ भन्नुहुन्थ्यो (वि.सं. २०५४ अगाडिको सन्दर्भमा), ‘स्थानीय निकायलाई आफ्ना नागरिकको सेवा र सहजताका लागि आफैँ ‘निर्णय गर्ने’ र आफूले गरेको ‘निर्णय कार्यान्वयन’ गर्ने अधिकार चाहिन्छ । यो स्वायत्तता हो । यसप्रकारको स्वायत्तता प्राप्त भएपछि मात्र स्थानीय निकायमा स्वशासन हुन्छ । आफूले निर्णय गरेपछि कार्यान्वयन गराउन राष्ट्रसेवकसँगै नगर प्रहरीको व्यवस्था गर्नुपर्छ । काठमाडौँ उपत्यकालाई जोडेर मेट्रो बनाउनु पर्छ । एउटै उपत्यकाभित्र धेरै प्रशासनिक एकाइमा अधिकार छरिँदा काम गर्न र नतिजा ल्याउन कठिन हुन्छ ।’ 

    images

    पूर्व प्रमुख सिंहको पार्थिव शरीरमा महानगरपालिकाका प्रमुख शाह र उपप्रमुख डंगोलबाट श्रद्धाञ्जली अर्पण  

    सोमबार १ पुस २०८१ ०१:५८ PM

    काठमाडौँ महानगरपालिकाका प्रमुख बालेन्द्र शाह (बालेन) र उपप्रमुख सुनिता डंगोलले महानगरपालिकाका पूर्व प्रमुख पिएल सिंहको पार्थिव शरीरमा श्रद्धाञ्जली अर्पण गर्नुभएको छ । आज विहान चाक्सीबारी पुगेर पुष्पगुच्छा अर्पण गर्दै उहाँहरुले पूर्व प्रमुखको पार्थिव शरीरलाई विदाइ र शोक सन्तप्त परिजनमा समवेदना प्रकट गर्नुभयो । उहाँहरुसँगै प्रवक्ता नविन मानन्धर, विषयगत समितिका संयोजकहरु, कार्यपालिका सदस्यहरु, नगर सभा सदस्यहरु र कर्मचारीहरुले पुष्पगुच्छा अर्पण गर्नुभएको थियो ।