वि.सं.: २०८३, मंसिर ६ आइतबार
इ.स.: 2026 November 22,SUNDAY
वि.सं.: २०८३, मंसिर ६ आइतबार
औपचारिक कार्यक्रम विहान ८ बजेबाट सुरु हुनेछ । सांगीतिक कार्यक्रम दिउँसो ३ बजेदेखि सुरु हुनेछ । दिउँसो सांगीतिक कार्यक्रम हुने ठाउँमा विहान ९ बजेदेखि मौलिक खाना तथा पेय पदार्थका स्टल राखिनेछन् । एक वडा एक नमूना उद्यम कार्यक्रमअन्तर्गत उत्पादित सामान तथा वस्तुको प्रदर्शनी पनि विहान ९ बजेबाट नै सुरु हुनेछ । उहाँले, मूल समारोह समितिबाट भएको निर्णयका बारेमा जानकारी दिँदै भन्नुभयो, ‘सांगीतिक कार्यक्रमसँगै औपचारिक कार्यक्रममा सवै वडाका सांस्कृतिक झाँकी प्रदर्शन हुनेछ । विभिन्न क्षेत्रमा उल्लेख्य योगदान गर्ने व्यक्तित्व र परम्परागत गुरु सम्मान गरिनेछ । यस्तै जनप्रतिनिधि र कर्मचारी मैत्री फुटबल खेल हुनेछ । विद्यालयमा विद्यार्थी स्तरीय हाजिरी जवाफ प्रतियोगिता र शिक्षक स्तरीय कविता प्रतियोगिता यस वर्षका मुख्य कार्यक्रम हुन् ।’
क्ल्यारिटी नोड-एस वायु गुणस्तर सेन्सरहरूले तत्काल अवस्थामा हावामा भएका पिएम २.५ को विवरण उपलब्ध गराउँछन् । यी उपकरणहरू सौर्य ऊर्जाबाट चल्छन् । यसबाट उत्पादन भएका तथ्याङ्कहरु उही समयमा महानगरपालिकाको ड्यास बोर्डमा पठाउँछन् । उपकरणले प्रदान गरेका तथ्याङ्कलाई वेव पोर्टल र मोवाइल एप्लिकेसनका माध्यमबाट सर्वसाधारणको पहुँचमा पुर्याउने योजना छ ।
३० औँ महानगर दिवसका अवसरमा आयोजना हुने कार्यक्रममा सांस्कृतिक तथा सांगीतिक कार्यक्रमलाई निरन्तरता दिइने भएको छ । गएका बर्षहरुमा सञ्चालन गरिएका कार्यक्रमहरुलाई निरन्तरता दिँदै यस वर्ष सांगीतिक कार्यक्रममा प्रस्तुतिहरु थप गरिएका हुन् । दिवसको औपचारिक कार्यक्रम सैनिक मञ्चमा हुनेछ । सांस्कृतिक तथा सांगीतिक कार्यक्रम अपरान्ह ३ बजेदेखि टुँडिखेल मैदानमा हुनेछ ।
सत्तल ५८३.८१ वर्गमिटर क्षेत्रफलको हुनेछ । हरेक तलाको क्षेत्रफल १९४.४७ वर्गमिटर छ । यसमा जमिन तलामा ९ वटा कोठा हुनेछन् । पहिलो तलामा ३ वटा सभा कक्ष, एउटा कोठा र एउटा भण्डार कक्ष हुनेछ । यस माथि बुइँगल हुनेछ । वि. सं. १९९७ सालमा खिचिएको तस्विरका आधारमा पुननिर्माण गरिन लागेको हो ।
काठमाडौँ महानगरपालिकाको ३७ औँ कार्यपालिका बैठकले ‘एग्रो पुलिङ् कार्यविधि’ र ‘लहरेवत्ती व्यवस्थापन कार्यविधि २०८१’ स्वीकृत गरेको छ । आज प्रमुख बालेन्द्र शाह (बालेन) को अध्यक्षतामा बसेको बैठकले कार्यविधिहरु स्वीकृत गरेको हो ।
काठमाडौँ महानगरपालिकाभित्र सञ्चालनमा रहेका मः म पसलहरुमा कार्यस्थल, भान्छा र व्यक्तिगत सरसफाइ तथा स्वच्छतामा समस्या भेटिएको छ । गएको कार्तिक २९ गतेदेखि महानगरपालिकाका फुड टेक्नोलोजिष्ट, माइक्रोवायोलोजिष्टसहितको टोलीले अहिलेसम्म अनगुमन गरेका ८५ वटा मःम बनाउने होटल तथा रेष्टुरेन्टमध्ये ७५ वटा (८८.२४%) मा सरसफाइ मुख्य समस्या देखिएको ‘अनुगमन प्रतिवेदन’ मा उल्लेख छ । यससँगै ६६ वटा (७७.६५%) प्रतिशतमा भान्छा र कार्यस्थलको सरसफाइमा कमजोरी छ । १८ वटा (२१.१८%) व्यवसाय दर्ता नै भएका छैनन् ।
महानगरपालिकाले खेल क्षेत्रको प्रवर्धन र खेलाडीहरुको आत्मबल बढाउन राष्ट्रिय अन्तरराष्ट्रिय प्रतियोगिताका विजेताहरुलाई नगदसहित सम्मान गर्ने गरेको छ । यस्तै खेलप्रेमीहरुलाई प्रतियोगिता हेर्ने वातावरणका लागि सार्वजनिक स्थलहरुमा एलइडी स्क्रिन राखेर प्रत्यक्ष प्रसारण गर्ने गरेको छ ।
‘सार्वजनिक भौतिक संरचनाको निर्माण गर्दा गुणस्तर र मापदण्डको पालनासँगै यसको पहुँचका बारेमा पनि ध्यान दिन आवश्यक छ । सडकलाई सवारी यात्रा तथा पैदल यात्राबाहेक अनधिकृत व्यापारसहितका उपयोगलाई निरुत्साहित गर्नुपर्छ ।’ उपप्रमुख डंगोलले भन्नुभयो, ‘सडकमा पुग्ने, निर्वाध र सुरक्षित रुपमा सडकमा हिँड्ने वातावरणका लागि डिजाइनदेखि नै ध्यान दिन जरुरी छ ।’