Logo
  • वि.सं.: २०८३, मंसिर ६ आइतबार​

  • इ.स.: 2026 November 22,SUNDAY

  • वि.सं.: २०८३, मंसिर ६ आइतबार​

  • images

    मेट्रो न्यूज

    images

    मात्सुमोतो नगरका प्रमुख योशिनाओ गान नेतृत्वमा १९ सदस्यीय प्रतिनिधि मण्डल काठमाडौँको अवलोकन भ्रमणमा 

    बुधबार २८ कात्तिक २०८१ ११:२८ AM

    नेपालको काठमाडौँ महानगरपालिका र जापानको मात्सुमोतो नगरविचको भगिनी सम्बन्ध नागरिक स्तरका कार्यक्रममा विस्तार भएको दुई नगरका प्रमुखहरुले बताउनुभएको छ । सम्बन्ध स्थापना भएको ३५ औँ वर्षको अवसरमा काठमाडौँको अवलोकन भ्रमणका लागि आउनु भएका मात्सुमोतो नगरपालिकाका प्रमुख योशिनाओ गान नेतृत्वको प्रतिनिधि मण्डलको स्वागतमा महानगरपालिकाले आयोजना गरेको कार्यक्रममा आपसी सम्बन्धका विषयमा कुराकानी गर्दै उहाँहरुले यस्तो बताउनुभएको हो । 

    images

    कान्ति बाल अस्पतालमा काठमाडौँ महानगरपालिकाले मोडुलर अपरेसन थियटर निर्माण र उपकरण जडान गरिदिने 

    मंगलबार २७ कात्तिक २०८१ ०७:५० AM

    सम्झौताबमोजिम अस्पतालले मोडुलर ओटि बनाउन लागतअनुमान तयार पार्नेछ । सम्झौतामा उल्लेख भएको ५ करोड ५० लाख रुपैयाँभन्दा धेरै लागत आएमा त्यसको दायित्व अस्पतालकै हुनेछ । लागत र ड्रइङ् डिजाइनका आधारमा खुला बोलपत्र आव्हान गर्ने, मूल्याङ्कन गर्ने, निर्माण पक्ष छनोट गर्ने र निर्माण कार्य गराउने दायित्व अस्पतालको हुनेछ । महानगरपालिकाले प्रगतिका आधारमा बढीमा ३ किस्तामा सम्झौताबमोजिमको रकम उपलब्ध गराउनेछ । यसरी रकम उपलब्ध गराउँदा नेपाल सरकार वा अन्य निकायबाट प्राप्त रकमसँगा दोहोरो नहुने सुनिश्चित गर्नेछ । यसरी उपलब्ध गराएको रकमबाट निर्माण हुने संरचनाको अनुगमन गर्नेछ । 

    images

    रुचि राख्ने १० हजार ९९५ जना विद्यार्थीबाट प्रशिक्षणका लागि खेलाडी छनोट गर्दै काठमाडौँ महानगरपालिका 

    सोमबार २६ कात्तिक २०८१ ०७:०६ PM

    १६ वटा खेल विधामध्ये सबैभन्दा धेरै फुटबलमा २ हजार ३८ जनाले सहभागी हुन इच्छा व्यक्त गरेका छन् । फुटबलपछि व्याटमिन्टन (१,२४७ जना), भलिबल (१,२४७ जना), क्रिकेटमा (९६० जना), तेक्वान्दोमा (९२५ जना) विद्यार्थीले रुचिदेखाएका छन् ।  बास्केटबलमा (८,९९ जना), कराँते (८९३ जना), कवड्डी (६९० जना), एथलेटिक्स (५४९ जना), बक्सिङ् (४७१ जना), चेसमा (३४६ जना), टेबुलटेनिस (२७८ जना), खोखो (२४५ जना), हक्कीमा (१४९ जना), उसुमा (६६ जना) र जुडो (४० जना) जना विद्यार्थीको रुचि छ । पोखरेलकाअनुसार प्रारम्भिक अवस्थामा १७ वटा विधाका खेलमा विद्यार्थीको रुचि बुझ्दा १२ हजार १२१ जना विद्यार्थी आवेदनमार्फत इच्छा व्यक्त गरेका थिए । यसमा रहेको पौडी खेललाई जाडो मौसमका कारण अहिले हटाइएको छ । यसको सट्टा विद्यार्थीको रुचिका आधारमा एउटा विधा खेल थप्ने योजना रहेको पोखरेलको भनाइ छ । 

    images

    वर्खाका कारण स्थगित गरिएको भित्ते चित्र लेखन सुचारु 

    मंगलबार २० कात्तिक २०८१ ०५:२५ PM

    मौलिक तथा प्राचीन महत्वका चित्रकलाबाट सहरको सुन्दरता अभिवृद्धि गर्ने कामलाई काठमाडौँ महानगरपालिकाले पुनः सुचारु गरेको छ । ललित कला प्रज्ञा प्रतिष्ठानसँगको सहकार्यमा सार्वजनिक पर्खालका भित्ताहरूमा कलात्मक चित्र लेखनलाई निरन्तरता दिइएको हो ।

    images

    काठमाडौँ महानगरपालिकाले तोकेका ४६ स्थानमा स्वदेशी फूल विक्री हुँदै : प्लाष्टिकजन्य फूल महानगर प्रहरी बलबाट जफत 

    बिहीबार १५ कात्तिक २०८१ ०५:५५ PM

    पर्वलक्षित स्वदेशी फूल व्यापारका लागि महानगरपालिकाले तोकेका स्थानहरुमा अहिले उपभोक्ताको घुइँचो बढेको छ । दिपावली, नेपाल संवत् तथा छठ पर्वका अवसरमा कार्तिक १४ गतेदेखि १७ गतेसम्म ४ दिनका लागि मल, मार्ट, पार्क, पार्टी प्यालेस, विजनेस सेन्टरहरुमा किसानहरुलाई निःशुल्क स्थान उपलब्ध गराइएको छ । यससँगै प्लाष्टिकजन्य फूल तथा सजावटका सामग्री विक्री वितरणमा रोक लगाइएको छ । 

    images

    खेल सकिँदासकिँदै उपविजेता टिमलाई काठमाडौँ महानगरपालिकाबाट सम्मान र प्रोत्साहन 

    बिहीबार १५ कात्तिक २०८१ १२:५० PM

    साफ वुमन्स च्याम्पियनसिप (साउथ एशियन फुटबल फेडेरेसन वुमन्स कप) २०२४ का उपविजेता नेपाली टिमलाई काठमाडौँ महानगरपालिकाले नगदसहित सम्मान र प्रोत्साहन गरेको छ । कार्तिक १४ गते साँझ साढे ६ बजेदेखि नेपालले वंगालादेशको टिमसँग फाइनल खेल खेलेको थियो । खेलमा नेपाल १-२ गोल अन्तरले उपविजेता बनेको हो । खेल सकिएपछि एक औपचारिक कार्यक्रम आयोजना गरेर महानगरपालिकाले २३ जना खेलाडीहरुलाई जनही १ लाख रुपैयाँ नगद र प्रशिक्षक, स्वास्थ्यकर्मी, टिम व्यवस्थापक, प्राविधिकसहित ९ जनालाई जनही ५० हजार रुपैयाँ नगदसहित सम्मान पत्र प्रदान गरेको हो । 

    images

    खेल मैदानमा जाने अवसर नपाएका दर्शकका लागि महानगरपालिकाले ३ ठाउँबाट खेलको प्रत्यक्ष प्रसारण गर्ने

    बुधबार १४ कात्तिक २०८१ १२:४८ PM

    साफ वुमन्स च्याम्पियनसिप (साउथ एशियन फुटबल फेडेरेसन वुमन्स कप) २०२४ को फाइनल खेल हेर्ने अवसरलाई सर्वसाधारणको पहुँचमा पुर्‍याउन काठमाडौँ महानगरपालिकाले टुँडिखेल, सानो गौचरन (हाँडीगाउँ) र चावहिलको फुटवल ग्राउण्डमा प्रत्यक्ष प्रसारणको व्यवस्था गर्ने भएको छ ।

    images

    वडाबाट संरक्षित बालबालिकाका लागि खाद्यान्नसहित उपभोग्य सामग्री प्रदान 

    मंगलबार १३ कात्तिक २०८१ ०७:४८ PM

    नक्सालमा रहेको नेपाल बाल संगठनमा संरक्षित बालबालिकाका लागि वडा नं. १ ले खाद्यान्नसहित दैनिक उपभोग्य सामग्री प्रदान गरेको छ । प्रदान गरिएका सामग्रीहरुमा चामल, विभिन्न खालका दाल, तेल, चिनी, नुन, पिठो, मसला, चिया, घिउ, भुजा, साबुन, सरफलगायत छन् । १० लाख रुपैयाँ बराबरका यी सामानले २ महिना पुग्ने संगठनका अधिकारीहरुले बताउनुभयो ।