Logo
  • वि.सं.: २०८३, मंसिर ६ आइतबार​

  • इ.स.: 2026 November 22,SUNDAY

  • वि.सं.: २०८३, मंसिर ६ आइतबार​

  • images

    मेट्रो न्यूज

    images

    सरस्वती पूजाका दिन ९७१ जना बालबालिका सामुदायिक विद्यालयको प्रारम्भिक बाल विकास कक्षामा भर्ना  

    मंगलबार २२ माघ २०८१ ०९:५३ AM

    काठमाडौँ महानगरपालिकाभित्रका सामुदायिक विद्यालयहरुमा एकै दिन ९७१ जना बालबालिका प्रारम्भिक बाल विकास कक्षामा भर्ना भएका छन् । माघ २१ गते मनाइएको सरस्वती पूजाका दिन विशेष अवसरमा बालबालिका भर्ना भएका हुन् ।  भर्ना निःशुल्क हो । यस कक्षामा भर्ना गर्ने क्रम शैक्षिक सत्र २०८२ सुरु हुनुपूर्वसम्म नियमित चलिरहन्छ । 

    images

    ५९९ वटा सवारी साधनको प्रदुषण चेकजाँच गर्दा ३४५ वटा मापदण्ड विपरीत 

    सोमबार २१ माघ २०८१ ०७:३४ PM

    प्रदुषण नियन्त्रणका लागि पुस २९ गतेदेखि थालिएको यो सचेतनात्मक कार्यक्रम नियमित चलिरहेको छ । यस कार्यक्रमबाट सुधारको मौका दिँदा पनि मापदण्ड पूरा नभएका सवारी साधनहरुलाई क्रमशः कारबाहीको दायरामा ल्याएर सञ्चालनमा रोक लगाउनेसम्मको कारबाही गर्ने महानगरपालिकाको तयारी छ ।   सञ्चालनमा रोक लगाउनु अगाडि सुधार गरेर चलाउने मौका दिइनेछ । यो अवसरलाई प्रयोग गर्न अटेर गर्नेलाई जरिवाना तिराएर सञ्चालनमा रोक लगाइनेछ । 

    images

    सहिद स्मारक पार्कमा ज्ञात अज्ञात सहिदहरुको स्मृति सभा 

    बुधबार १६ माघ २०८१ ११:१६ AM

    वि. सं. २०१२ सालदेखि विद्यमान महानगरको संयोजकत्व गठित समितिले सहिद सप्ताहका कार्यक्रम आयोजना गर्दै आएको छ । यस बर्ष माघ १० अर्थात पहिलो दिन शुक्रराज शास्त्रीले सहादत प्राप्त गर्नुभएको स्थान, टेकु मचलीमा, दोस्रो दिन १३ गते धर्मभक्त माथेमालाई मृत्युदण्ड दिइएको स्थान सिफल उकालोमा र १५ गते विष्णुमती नदी किनारा शोभा भगवतीमा गंगालाल श्रेष्ठ र दशरथ चन्दले सहादत प्राप्त गर्नुभएको स्थान रहेका सहिदहरुका सालिकमा पुष्पगुच्छा अर्पण तथा स्मृति सभा गरिएको थियो । ४ सहिदका सालिकमध्ये महानगरपालिकाले २०७५ सालमा शास्त्रीको र २०७६ सालमा माथेमा, श्रेष्ठ र चन्दको पूर्ण कदको सालिक स्थापना गरेको हो ।

    images

    गंगालाल श्रेष्ठ र दशरथ चन्दलाई प्राणदण्ड दिइएको स्थानमा स्मृति सभा 

    मंगलबार १५ माघ २०८१ ०३:२१ PM

    त्यसबखत, एकअर्काले देख्ने गरेर गोली हानेर कायल गराउन खोजिएको थियो । ज्यानको माया गरेर कायल हुनुभन्दा प्रजातन्त्रकालागि गोली खान तयार भएका उहाँहरुलाई पहिले घुँडाभन्दा तल गोली हानिएको थियो ।  त्यति गर्दा पनि कायल नभएपछि पछि ज्यान जाने गरी गोली ठोकिएको थियो । 

    images

    काठमाडौँ महानगरपालिकाभित्र ४६ हजार ९८५ जना किशोरीलाई पाठेघरको मुखको क्यान्सरविरुद्ध एच.पि.भी. खोप दिइने 

    सोमबार १४ माघ २०८१ ०७:५३ PM

    पाठेघरको मुखको क्यान्सरबाट बच्न ३ चरणका उपाय छन् । १० वर्षदेखि १४ वर्षसम्म उमेरका किशोरीहरूले एच.पि.भी. खोप लगाउनु पहिलो उपाय हो । दोस्रो उपायमा ३० वर्षभन्दा माथिको उमेरका हरेक महिलाले पाठेघरको मुखको परीक्षण (स्क्रिनिङ्ग) गराउनु पर्छ । तेस्रोमा पाठेघरको मुखको क्यान्सर रोग पहिचान भएका महिलाले उपचार गराउनु पर्छ ।

    images

    इखा पोखरी पुनःनिर्माण कार्यको शिलान्यास : २०८२ माघ मसान्तभित्र परियोजना अवधि

    आइतबार​ १३ माघ २०८१ ०६:३६ PM

    पुनः निर्माणको लागत ३ करोड ६४ लाख रुपैयाँ हो । पोखरीको क्षेत्रफल करिब साढे ७ रोपनी छ । यसभित्रको करिब ६ रोपनी क्षेत्रफलमा पानीको भाग हुनेछ । पानीको भागभन्दा बाहिर वरिपरि २ मिटरको पैदल मार्ग हुनेछ । पुनःनिर्माण गर्दा आकाशे पानी जम्मा हुने प्रणाली बनाइनेछ । सार्वजनिक खरिद प्रक्रियाबाट छनोटद भएको निर्माण पक्ष माघ ११ गते निर्माण पक्षसँग सम्झौता गरिएको हो । 

    images

    माथेमाले सहादत प्राप्त गर्नुभएको स्थान सिफल उकालोमा स्मृति सभा सम्पन्न

    आइतबार​ १३ माघ २०८१ १०:०८ AM

    वि. सं. १९९७ साल माघ १३ गते, काठमाडौंको सिफलमा रहेको बकाइनोको रुखमा झुण्ड्याएर उहाँलाई प्राणदण्ड दिइएको थियो । उहाँ बलियो भएकोले झुण्ड्याउने क्रममा रुखको हाँगो भाँचिएको थियो । ३ पटकसम्म प्रयास गरेपछि मात्र उहाँलाई सहादत प्राप्त भएको थियो । त्यस बेला उहाँ ३१ बर्षको मात्र हुनुहुन्थ्यो । 

    images

    महानगरपालिकासँग सहकार्य गर्ने संघसंस्थाको लेखा प्रणाली प्रचलित व्यवस्थाअनुसार हुनुपर्ने 

    शनिबार १२ माघ २०८१ ०७:४३ PM

    सहकार्यका क्षेत्र, सहकार्य गर्ने प्रस्ताव, कार्यक्रम स्वीकृत हुने प्रक्रिया, स्वीकृत कार्यक्रम सञ्चालन गर्ने प्रक्रिया, भुक्तानी प्रक्रियामा पेश्की लिने, किस्ताको भुक्तानी लिने, अन्तिम भुक्तानी प्रक्रियाका विषयमा जानकारी दिइएको थियो । यसरी सञ्चालन हुने प्रक्रियामा चाहिने कागजपत्र, कार्य सम्पादन हुने अवधिका जानकारी दिने विषयका रुपमा समावेश थिए । यसरी प्रदान गरिएका सूचनाबाट सहकार्य गर्ने संघसंस्थाहरुले प्रक्रियागत झञ्झट र सम्पन्न कामको भुक्तानीमा समस्या झेल्नु नपर्ने महानगरपालिकाको अपेक्षा छ ।