वि.सं.: २०८३, मंसिर ६ आइतबार
इ.स.: 2026 November 22,SUNDAY
वि.सं.: २०८३, मंसिर ६ आइतबार
पोखरी करिब २३ रोपनी क्षेत्रफलमा फैलिएको छ । परम्परागत, सांस्कृतिक र पर्यटकीय पोखरीका रुपमा विकास गर्ने गुरुयोजना अनुरुप कमलपोखरी पुनःनिर्माण भइरहेको हो । गुरुयोजनाको पहिलो चरणमा करिब ६ करोड ३६ लाख रुपैयाँ लागतमा पोखरी र यससँग सम्बन्धित संरचना निर्माण गरिएको हो । दोस्रो चरणमा पोखरीको सौन्दर्यीकरण र मर्मतको काम भइरहेको छ । यो कामको ठेक्का सम्झौता रकम ३ करोड ६ लाख ८ हजार ११ रुपैयाँ हो । गएको भदौ (२०८१) १९ गते कार्यादेश दिइएको यो योजना आउँदो (२०८२) साउन १५ गतेभित्र सम्पन्न गर्नुपर्नेछ । यो योजना सार्वजनिक निर्माण विभागबाट कार्यान्वयनमा आएको हो । यस्तै टयाक्टिकल अर्वनिजम (सडक तथा फुटपाथ किनाराको सौन्दर्य) का लागि उद्यान तथा हरियाली आयोजनाले काम गरिरहेको छ ।
खाद्य व्यवसायलाई स्वच्छ, ताजा र गुणस्तरीय बनाउने क्रियाकलाप सञ्चालन गर्न काठमाडौँ महानगरपालिका र खाद्य प्रविधि तथा गुण नियन्त्रण विभागका बिच चैत ४ गते सहमति पत्रमा हस्ताक्षर भएको थियो । यसैअनुसार घुम्ती प्रयोगशालासहित अनुगमन थालिएको हो । संयुक्त अनुगमन तथा निरीक्षणका लागि घुम्ती खाद्य प्रयोगशालाको सञ्चालनका लागि आवश्यक साधन स्रोतको व्यवस्था महानगरपालिकाले गर्नेछ । अन्य व्यवस्थापन संयुक्त रुपमा हुनेछ । अनुगमन निरीक्षणमा घुम्ती खाद्य प्रयोगशाला, खाद्य प्राविधिक, माइक्रोबायोलोजिष्ट तथा विज्ञसहितको टोलीले संयुक्त टोली हुनेछ ।
वैदेशिक रोजगारीलाई सुरक्षित, मर्यादित र उपलब्धिमूलक बनाउन स्रोत केन्द्र सञ्चालन सम्बन्धी समन्वय बैठक बसेर केन्द्र उद्घाटन गरिएको हो । कार्यक्रम संघ, प्रदेश र स्थानीय तहको संयुक्त कार्यक्रम हो ।
काठमाडौँ महानगरपालिकाले बालाजु औद्योगिक क्षेत्र प्रवेश मूल द्वारसँगै जुद्ध वारुण यन्त्र शाखा कार्यालय भवन शुभारम्भ गरेको छ । उद्योग व्यवस्थापन कार्यालय परिसरमा नवनिर्मित भवनको विपद व्यवस्थापन समितिका संयोजक प्रेम थापाले आज उद्घाटन गर्नुभएको हो । २०८० पुस १८ गते शिलान्यास भएको भवन निर्माणको अवधि २०८१ फागुन मसान्तसम्म थियो । २०७९ मंसिर २६ गते २८ औँ महानगर दिवसको अवसर पारेर यस ठाउँबाट दमकल सेवा शुभारम्भ गरिएको थियो ।
हाडनाता करणीबाट जन्मिएका एक जना बालक र एक जना बालिकाको दीर्घकालीन व्यवस्थापनका लागि जैविक आमालाई भेटेर निर्णय गर्ने महानगर बाल अधिकार समितिले निर्णय गरेको छ । सोमबार समितिका संयोजक एवं महानगरपालिकाका उपप्रमुख सुनिता डंगोलको अध्यक्षतामा बसेको बैठकले, अहिले अस्थायी संरक्षण गृहमा रहेका बालक र बालिकाको दीर्घकालीन व्यवस्थापनका विषयमा छलफल गर्दै यस्तो निर्णय गरेको हो । गोपनीयताको पूर्ण प्रत्याभूत गरेर महानगरपालिकाले आमाहरुलाई भेटेर आफैँका लागि र शिशुको संरक्षणका लागि के चाहन्छन्? जानकारी लिनेछ ।
माध्यमिक शिक्षा परीक्षा (एसइई) केन्द्रबाट फर्कन समस्या भएका १५२ जना शिक्षक र विद्यार्थीलाई काठमाडौं महानगरपालिकाले गन्तव्यसम्म पुर्याएको छ।
काठमाडौँ महानगरपालिका वडा नम्बर ८ ले बछलेश्वरी जात्राका लागि फल्चा र डवली (दवु) निर्माण गरेको छ । पाशुपत क्षेत्रको प्रसिद्ध जात्रा भइकन पनि यसको आफ्नै फल्चा थिएन । यसकारण जात्राको व्यवस्थापनलाई सहज बनाउन फल्चा निर्माण गरिएको वडाध्यक्ष एवं महानगरपालिकाको सम्पदा तथा पर्यटन समितिका संयोजक आशामान संगतले जानकारी दिनुभयो ।
काठमाडौँ महानगरपालिकाको अनुगमन समितिले धर्मकीर्ति महाविहारको विहार निर्माण कार्य रोकेको छ । महानगरपालिकाका उपप्रमुख सुनिता डंगोलको संयोजकत्वमा रहेको समितिले निर्माण कार्यको अनुगमन गर्दा भर्याङ् जोखिमपूर्ण भेटिएको र भवन निर्माण प्रक्रियामा लापर्वाही देखिएको थियो । यसपछि समितिले जोखिमपूर्ण भर्याङ् भत्काउन, सुपरभाइजर र साइट इञ्जिनियरको लिखित स्वीकृति बिना थप काम अगाडि नबढाउन निर्देशन दिएको हो ।